ज्याेति विकास बैंकका शाखा ३ दिनमा १ दिन खुल्ने, कुन शाखा कुन दिन खुल्छन् ?

A+ A A-

कोरोना भाइरस (कोभिड १९) को विश्वव्यापी संक्रमणको अवस्थालाई मध्यनजर गर्दै सरकारले यसको रोकथाम र न्यूनीकरणका लागि गरेको लकडाउनको समयमा ज्योति विकास बैंकले आफ्ना सम्पूर्ण शाखा कार्यालयहरू तीन कार्य दिनमा १ दिन बिहान ११ देखि दिउँसो १ बजेसम्म खोल्ने व्यवस्था मिलाएको जनाएको छ ।

नेपाल सरकार तथा नेपाल राष्ट्र बैंकले लकडाउनको समयमा अत्यावश्यक सामग्री तथा सेवा आपूर्तिका लागि बैंक तथा वित्तीय संस्थाहरूका शाखा कार्यालयहरू यथासम्भव खोल्ने व्यवस्था मिलाउन दिएको निर्देशनअनुसार ज्योति विकास बैंकले पनि उक्त निर्देशनको पालना गर्दै यस्तो व्यवस्था मिलाएको हो ।

ज्योति विकास बैंकले आफ्ना शाखा कार्यालयहरू स्थानीय निकाय तथा प्रहरी प्रशासनसँग समन्वय गरी निम्नअनुसार खुल्ने बताएको छः

सेवा प्रदान गरिने दिनहरूः

बैंकले शाखा कार्यालयहरू खुले पनि यो विश्वव्यापी संक्रमणबाट आफू पनि बच्न र राष्ट्रलाई बचाउन सकेसम्म डिजिटल बैंकिङका माध्यमहरू (कनेक्ट आईपीएस, मोबाइल बैंकिङ, क्यूआर कोड, इन्टरनेट बैंकिङ) प्रयोग गर्न आग्रह गरेको छ । साथै बैंकले त्यस्ता सेवाहरू नलिएको भए बैंकको ज्योति स्मार्ट एप डाउनलोड गरी त्यस्ता सेवाहरू आफैँले सुचारू गर्न सकिने जानकारी पनि दिएको छ ।

लकडाउन अवधिभर ज्योति विकास बैंकको एटीएम कार्ड प्रयोग गरी अन्य कुनै पनि बैंकको एटीएमबाट पैसा निकालेमा शुल्क नकाटिने पनि बैंकले जनाएको छ ।

बैंकिङ सेवा लिन कुनै पनि शाखा कार्यालयमा आउँदा सम्पूर्ण सेवाग्राहीहरूलाई संक्रमणबाट बच्न कार्यालयभित्र ५ जनाभन्दा बढी सेवाग्राहीहरू नछिरिदिन, शाखाबाहिर बस्दासमेत अन्य व्यक्तिहरूसँग कम्तिमा २ मिटरको दूरी कायम गरी बसिदिन पनि बैंकले आग्रह गरेको छ ।

प्रकाशित मिति: बिहीबार, चैत १३, २०७६ १९:२३