'लकडाउन'का बेला आलु र प्याजको कालोबजारी गर्ने ३ जना पक्राउ

A+ A A-

‘लकडाउन’को मौकाछोपी आलु र प्याजको कालोबजारी गर्ने ३ जनालाई प्रहरीले पक्राउ गरेको छ । पक्राउ पर्नेमा जनकपुरधाम ४ बस्ने प्रदीप अग्रवाल, अंकित साह र विकाश कुमार साह रहेका छन् ।

बजार अनुगमनको क्रममा विभिउनीहरुलाई पक्राउ गरेको जिल्ला प्रहरी कार्यालय धनुषाले जनाएको छन्न चोकमा संचालनमा रहेका पसलमा छापा मार्दा उपभोक्तालाई बढी मूल्यमा आलु र प्याज बेचेको पाइएपछि ।

कोरोना संक्रमण रोक्न नेपाल सरकारले जारी गरेको लकडाउनको मौकाछोपी बजारमा उपभोग्य सामग्रीको अभाव सृजना गरि कालोबजारी भइरहेको छ । नेपालीहरुको भान्सामा नभई नहुने प्याज र आलुको भएकाले पनि व्यापारीहरु दूबैको सबैभन्दा बढी कालोबजारी गरिरहेको छ ।

प्याज ७० रुपैयाँसम्म किलोमा विक्री भइरहेको छ भने आलु ६० रुपियामा विक्री भइरहेको उपभोक्ताहरुले वताएका छन ।कोबी ५० रुपैया केजी विक्री भइरहेको छ । खासगरी तरकारीको बिक्री मूल्य बिक्रेताहरुले मनोमानी तरिकाले निर्धारण गरेपछि यहाँको बजारमा चर्को मूल्यमा उपभोक्ता तरकारी किन्न बाध्य छन् । अन्य समानहरुको पनि मूल्यवृद्धि भएको छ ।

व्यापार संघको पहल

कोरोना भाइरसबाट बच्न र बचाउन सरकारले देशभरि लकडाउन गरेपछि दैनिक उपभोग्य वस्तुको मूल्य आकाशिएको उपभोक्ताहरूको गुनासो आएपछि जनकपुरधाम उद्योग वाणिज्य संघले जनकपुरधामस्थित पेठिया बजारमा सञ्चालित आलु प्याजका गोदाममा प्रशासनको टोली सहित पुगेर आलु प्याजको सुपथ मुल्य निर्धारण गराएका छन् ।

जनकपुरधाम उद्योग वाणिज्य संघका महासचिव जितेन्द्र महासेठले निर्धारित मूल्यअनुसार अब होलसेलर बिक्रेताहरुले आलु प्रतिकिलो ३८ र प्याज प्रतिकिलो ४५ रुपैयाँका दरले उपलब्ध गराउने छन् भने आम उपभोक्ताले खुद्रा मूल्यमा आलु प्रतिकिलो ४५ र प्याज प्रतिकिलो ५५ रुपैयाँका दरले कुनैपनि पसलबाट खरिद गर्नसक्ने जानकारी दिएका छन् ।

यसअघि आलु प्याजको मूल्य बिक्रेताहरुले अचानक बढाएर आम उपभोक्ताको ढाड सेकिरहेका थिए । एकदेखि अर्को बजारमा मूल्य फरक पर्दा उपभोक्ताहरु लकडाउनमा आलु प्याज चर्को मूल्यमा खरीद गर्न बाध्य बनेका थिए ।

प्रकाशित मिति: बिहीबार, चैत १३, २०७६ ११:४६