कोरोना संक्रमणको आशंका भए के गर्ने ? यस्तो छ टेकु अस्पतालको ९ सुझाव

A+ A A-

विश्‍वव्यापी रूपमा फैलिएको कोरोना भाइरसको सवालमा नेपालमा सर्वत्र चासो बढेको छ । हाल नेपालमा १ जनालाई कोराना भाइरसको संक्रमण देखिएको छ । कतिपयलाई मनोवैज्ञानिक रूपमा असर परेको पनि देखिएको छ । कोरोना हो कि हाेइन भनेर कसरी थाहा पाउने, नेपालमा कोरोना परीक्षण मेसिन छ त ? छ भने कहाँ छ? नमुना संकलनका लागि के गर्ने भन्ने विषयमा चासो हुनु स्वाभाविक हो ।

राष्ट्रिय जनस्वास्थ्य प्रयोगशाला टेकुको सहयोगमा तपाईंका ९ जिज्ञासा मेटाउने प्रयास गरेका छौँ

१. नोवेल कोरना भाइरसको परीक्षण कहाँ गरिन्छ ? धेरैको चासोको विषय हो । यो परीक्षण अहिले जनस्वास्थ्य प्रयोगशाला टेकुमा मात्र गरिन्छ । तर, मंगलबार बसेको उच्चस्तरीय समन्वय समितिको बैठकले थप तीन हस्पिटल (बीपी कोइराला स्वास्थ्य विज्ञान प्रतिष्ठान, धरान, पोखरा स्वास्थ्य विज्ञान प्रतिष्ठान, पोखरा र भेरी अस्पताल, नेपालगञ्ज) का प्रयोगशालाहरूमा कोरोना परीक्षण कार्य यथाशीघ्र सुरु गर्ने निर्णय गरेको छ ।

२. नमुना परीक्षणको व्यवस्था के छ भन्ने सवालमा पनि चासोको विषय हो । परीक्षणका लागि शंकास्पद बिरामी हुनुपर्‍याे । त्यस्तो बिरामीलाई आइसाेलेसनमा राख्नुपर्ने हुन्छ । शंकास्पद बिरामी जुन हस्पिटलमा रहन्छ, सोहो हस्पिटलले नमुना संकलन गरेर प्रयोगशालामा पठाउने गर्छ ।

३. संकलन गरिएको नमुना तीनचाेटि प्याक गरी प्रयोगशालामा पठाउने विधि अपनाइएको हुन्छ ।

४. सबैभन्दा महत्त्वपूर्ण कुरा परीक्षणका लागि कति पैसा चाहिन्छ भन्ने पनि हुन सक्छ । यो परीक्षण अहिलेसम्मलाई नि:शुल्क छ ।

५. के परीक्षण सबैले गराउन सकिन्छ त ? डाक्टरको परामर्शविना काेराेना परीक्षण गराउन सकिन्न ।

६. कोरोना परीक्षणका लागि थर्ट स्याव, नशल स्वालगायतका परीक्षण गरिनुपर्ने हुन्छ ।

७. परीक्षणका लागि नमुना संकलन कति बजेसम्म हुन्छ भन्ने पनि चासोको विषय हो । २४ सै घण्टा नमुना संकलन गर्ने सुविधा दिइएको छ । कार्यालय समयमा प्रयोशालामा र अन्य समयमा कार्यालय सहयोगीलाई बुझाउनुपर्ने हुन्छ ।

८. रिपोर्ट आउन कति समय लाग्छ भन्ने अर्को चासोको विषय हो । नमुना संकलन भएको २४ घण्टामा रिपोर्ट आउँछ । रिपोर्ट प्रयोगशालाबाट ल्याउन सकिन्छ । पोजेटिभ देखिएमा सम्बन्धित हस्पिटल तथा डाक्टरलाई खबर गरिन्छ ।

९ . परीक्षणको लागि सम्पर्क गर्ने व्यक्ति

डा. श्रवणकुमार मिश्र ९८५१६६८२२०

डा. रञ्जित शाह ९८२७७०१४६५

डा. राजेशकुमार गुप्ता ९८५१२३९९८८

दिनेश थापामगर ९८२३१६८५४०

नरेश थापामगर ९८०३१५२१४९

प्रकाशित मिति: बुधबार, चैत १२, २०७६ ०९:१६