पूर्व प्रधानन्यायाधीशलाई श्रीमानको साथ

A+ A A-

प्रमुख प्रतिपक्षी दलको अवरोधवीच पारित भएको चिकित्सा शिक्षा ऐन बिरुद्ध उभिएकी पूर्व प्रधानन्यायाधीश शुसीला कार्कीले उनको श्रीमान् समेतको साथ पाएकी द्धन् ।

संसदबाट पारित चिकित्सा ऐन बिरुद्ध नागरिकका तर्फबाट अभियन्ताको नेतृत्व गरेकी कार्कीलाइ उनका श्रीमान् दुर्गा सुवेदी सहित समाजका विभिन्न क्षेत्रका व्यक्तिले साथ दिएकाछन् ।

डा गोविन्द केसी सत्याग्रहमा रहेकै बेला प्रतिनिधि सभाको बैठकबाट चिकित्सा शिक्षा विधेयक पारित भएको पछि कार्कीसहितका अभियन्ताले बिरोध जनाउदै आएकाछन् ।

नागरिक समाजका तर्फबाट अपिल जारी गर्दै उनीहरुले संसदले डा केसीसँग गरेको सम्झौता उल््लंघन गरेर चिकित्सा शिक्षा ऐन पारित गरेको बताएका छन् ।

यो कदमले सरकार र संसदको विश्वसनीयतामाथि नै प्रश्न उठेको उनीहरुको ठहर छ । ‘हाम्रो साझा बुझाइ के छ भने यस अगाडि सरकारले डा केसीसँग गरेको सम्झौता अनुसार ऐन जारी गरिंदा चिकित्सा शिक्षासम्बन्धी उच्चस्तरीय कार्यदलको प्रतिवेदन तथा यस अघि जारी भएका अध्यादेशहरुअनुरुप हुने मात्रै नभई त्यसले सरकार, मेडिकल शिक्षाका नियामक निकायहरु तथा अब मेडिकल कलेज खोल्न प्रयासरत पक्षहरुसमेत सबैको हित हुन्छ,’ अभियन्ताले जारी गरेको अपिलमा भनिएको छ ।

उनीहरुले प्रतिनिधिसभाबाट पारित ऐन राष्ट्रिय सभा बैठकमा पेश हुँदा डा केसीसँग राज्यले यसअघि गरेको सम्झौताबमोजिम सुधार गरेर पारित गर्ने व्यवस्था गर्नसमेत अपिल गरेका छन् ।

केसीको पक्ष र प्रतिनिधिसभाबाट पारित बिधेयकको बिपक्षमा अपिल जारी गर्नेमा माथेमा आयोगका अध्यक्ष केदारभक्त माथेमा, प्राध्यापक अभि सुवेदी, पुर्व प्रमुख निर्वाचन आयुक्त भोजराज पोखरेल छन् ।

त्यसैगरी महावीर पुन, स्वर्णिम वाग्ले, क्या विजय लामा, साहित्यकार कृष्ण धरावासी, परराष्ट्रविद् जयराज आचार्य, कार्कीका श्रीमान दुर्गा सुवेदी, मानवअधिकारवादी, कपिल श्रेष्ठ, शिक्षाविद् मन प्रसाद वाग्ले, पत्रकार भैरव रिसाल, डा रामेश कोइराला, वीरेन्द्र कुमार मिश्र, रवीन्द्र सिंह वानियाँ, यादव खरेल छन् ।

त्यसैगरी, पुर्ननिर्माण प्राधिकरणका पुर्व सिइओ गोविन्द राज पोखरेल, प्रत्युष वन्त, शेखर खरेल, राम कुमार भण्डारी, फडिन्द्र लुईटेल, दिनेश प्रसाइँ, सावित्री श्रेष्ठ, गीता रसाइली, देवी सुनुवार र गोपाल साह छन् ।

प्रकाशित मिति: आइतबार, माघ १३, २०७५ १६:५२