कोरोना पुष्टि भएकी युवतीसँग आएका १ जना झापामा भेटिए

A+ A A-

४ चैतमा कतारबाट आउने १ जना झापामा पहिचान भएका छन् । कतार हुँदै फ्रान्सबाट आएकी १ युवतीलाई कोरोना पुष्टि भएसँगै उनीसँग आउने सबैलाई सरकारले खोजी गरेको छ ।

यसैबीच झापाको बुद्धशान्ति गाउँपालिकामा १ जनालाई पहिचान गरिएको छ । उनलाई पनि क्वारेन्टाइनमा राखिएको छ ।

त्यस्तै, विभिन्न कामको सिलसिलामा भारत गई यसबीचमा फर्किएकाहरूलाई पनि होम क्वारेन्टाइनमा राखिएको छ ।

यस्तो छ गाउँपालिकाको सूचना

बिश्वब्यापी चुनौतीको रुपमा रहेको कोरोना भाइरसको संक्रमण रोक्न बुद्धशान्ति गाउँपालिका वडा न.५ लेपनि आफ्नो क्षेत्रमा काम गरिरहेको छ।

नेपालमा हालसम्म २ जनामा कोरोना संक्रमण देखिएकोमा १ जना उपचारपछि घर फर्किसकेका छन् भने एक जना हिजोबाट उपचार शुरु भएको छ ।

उपचाररत युवतीसँगै कतार एयरवेजबाट नेपाल आएका भनिएका बुद्धशान्ति ५ निवासी १ को पहिचान गरी परीक्षण गर्दा संक्रमण नदेखिए पनी सेल्फ क्वारेन्टाइनमा भने राखिएको छ ।

त्यस्तै, कामको शिलशिलामा भारतका विभिन्न क्षेत्रमा पुगेका ७ जना युवाहरुको टोलिलाई बुद्धशान्ति ५ मै छुट्टै घरमा राखिएको छ।

निजहरूको आज बिहान बुद्धशान्ति गाउँपालिकाको स्वास्थ परिक्षण टोलिले परिक्षण समेत गरिसकेको छ ।

सरकारले हिजो जारी गरेको सुचना अनुसार आजबाट सबैजनालाई घर भित्रै बस्न र अनावश्यक रुपमा बाहिर ननिसक्न अनुरोध गरेको छ,सो को कार्यन्वयनमा हाम्रो वार्ड यहाँहरु सबैको साथ र सहयोगको अपेक्षा गर्दछ ।

कुनै जोखिम,लक्षण वा गाउँमा नयाँ मानिस प्रबेश गर्दै गरेको थाहा भए,हामिलाई तलको मोबाइल नम्बरमा तत्काल सम्पर्क गर्न सक्नुहुनेछ ।

यहाँहरुको स्वास्थ सुरक्षाको बिषयमा हामी गम्भीर छौं साथै यो लडाईमा यहाँहरुको सहयोग प्रती पनि हाम्रो पुर्ण बिश्वास छ ।

साबुन-पानीले नियमित रूपमा हात धोऔँ।
सुरक्षित बसौं।

प्रकाशित मिति: मंगलबार, चैत ११, २०७६ १२:२४