कोरोना संक्रमितमध्ये इटालीमा १० र अमेरिकामा १ प्रतिशतको मृत्यु, अन्त के छ अवस्था ?

कोरोना संक्रमितमध्ये इटालीमा १० र अमेरिकामा १ प्रतिशतको मृत्यु, अन्त के छ अवस्था ?

A+ A A-

चीनको वुहान शहरबाट फैलिएको कोरोना भाइरसको संक्रमण दिन प्रति दिन बढ्दो छ । चीनमा निकै सुधार देखिएको भाइरस संक्रमण र मृत्युदर विश्‍वभर भने तीब्र गतिका साथ बढेको छ ।

कतिपय देशमा कोरोना संक्रमण देखिएको १ महिनाको समयमा १ प्रतिशतमा मृत्युदर देखिएको छ भने कतिपयमा १० प्रतिशतसम्म देखिएको छ । मंगलबार बिहानसम्म ३ लाख ८१ हजार ४ सय ९१ जनलाई कोरोनाको संक्रमण देखिएको छ, जसमध्ये १६ हजार ५ सय ५३ जनाको मृत्यु भएको छ । यस हिसाबले मृत्युदर ४.३ प्रतिशत देखिएको छ ।

यहाँ उच्च संक्रमण देखिएका १० वटा राष्ट्र र हाम्रो छिमेकी राष्ट्र भारतको मृत्युदर देखाउन खोजिएको छ ।

चीन

संक्रमितको हिसाबले अहिलेसम्म पनि चीन पहिलो स्थानमा रहेको छ । तर, चीनमा मृत्युदर भने ४ प्रतिशत रहेको छ । चीनमा ८१ हजार १ सय ७१ जना संक्रमित हुँदा ३ हजार २ सय २७ जनाको मृत्यु भएको छ ।

इटाली

मृत्युको हिसाबले इाटली दोस्रो पहिलो नम्बरमा रहेको छ । इटालीमा संक्रमितमध्ये ९.५ प्रतिशतको मृत्यु भएको छ । यहाँ ६३ हजार ९ सय २७ जना संक्रमित हुँदा ६ हजार ७७ जनाको मृत्यु भएको छ ।

अमेरिका

संक्रमित व्यक्तिको हिसाबले अमेरिका तेस्रो नम्बरमा रहेको छ । अमेरिकामा मृत्युदर भने १.२ प्रतिशत छ । अमेरिकामा ४६ हजार १ सय ४५ जना संक्रमित भइसकेको अवस्था छ । हालसम्म ५ सय ८२ जनाको मृत्यु भएको छ ।

स्पेन

स्पेनमा ६.३ प्रतिशत मृत्युदर रहेको छ । स्पेनमा ३५ हजार १ सय ३६ जना संक्रमित हुँदा २ हजार ३ सय ११ जनाको मृत्यु भएको छ ।

जर्मनी

बढी संक्रमितमध्ये जर्मनी सबैभन्दा कम मृत्युदर देखिएको राष्ट्र हो । जर्मनीको मृत्युदर ०.४ प्रतिशत रहेको छ । जर्मनीमा २९ हजार ५६ जना संक्रमित रहेकामा १ सय २३ जनाको मृत्यु भएको छ ।

इरान

इटालीपछि बढी मृत्युदर इरानमा देखिएको छ । इरानमा मृत्युदर ७.८ प्रतिशत रहेको छ । यहाँ हालसम्म १ हजार ८ सय १२ जनाको मृत्यु भएको छ भने संक्रमितको संख्या २३ हजार ४९ जना रहेको छ ।

फ्रान्स

फ्रान्समा मृत्युदर ४.३ प्रतिशत रहेको छ । फ्रान्समा १९ हजार ८ सय ५६ जना संक्रमणमा परेका मध्ये ८ सय ६० जनाको मृत्यु भएको छ ।

दक्षिण कोरिया

दक्षिण कोरियामा कोरानाबाट मृत्युदर १.२ प्रतिशत रहेको छ । १ सय २० जनाको मृत्यु भएको दक्षिण कोरियामा ९ हजार ३७ जना संक्रमित भएका छन् ।

स्विट्जरल्याण्ड

कोरोना संक्रमितमध्ये स्विट्जरल्याण्डको मृत्युदर १.३ प्रतिशत रहेको छ । ८ हजार ७ सय ९५ जना संक्रमितमध्ये १ सय २० जनाको मृत्यु भएको छ ।

यूएई

यूएईको मृत्युदर भने औसतभन्दा बढी रहेको छ । संक्रमितमध्ये ५ प्रतिशत मृत्युदर देखिएको छ । ३ सय ३५ जनाको मृत्यु भइसेको यूएईमा संक्रमितको संख्या ६ हजार ६ सय ५० जना रहेको छ ।

भारत

बढी जनसंख्या भएर पनि अहिलेसम्म न्यून संक्रमित राष्ट्रमध्येको छिमेकी राष्ट्र भारतमा कोरोना संक्रमितमध्ये २ प्रतिशतको मृत्यु भएको छ। भारतमा हालसम्म ४ सय ९९ जना संक्रमित देखिएको छ । १० जनाको मृत्यु भएको छ ।

नेपालमा भने हालसम्म संक्रमितको संख्या २ रहेको छ । १ जनालाई पूर्ण रूपमा ठीक भएको छ भने एक १९ वर्षीया युवतीको उपचार भइरहेको छ ।

प्रकाशित मिति: मंगलबार, चैत ११, २०७६ ०९:५३