विदेशमा रहेका नेपालीसँग निरन्तर सम्पर्कमा रहन राजदूतहरूलाई निर्देशन

A+ A A-

सरकारले विदेशमा रहेका नेपालीसँग निरन्तर सम्पर्कमा रहन राजदूतहरूलाई निर्देशन दिएको छ । सोमबार भिडियो कन्फ्रेन्समार्फत राजदूतहरूलाई त्यहाँ रहेका नेपालीहरूसँग निरन्तर सम्पर्क, सहयोग र समन्वय गर्न निर्देशन दिएको परराष्ट्रमन्त्री प्रदीप ज्ञवालीले बताए ।

राजदूतहरूसँग परराष्ट्रमन्त्री ज्ञवाली र श्रम, रोजगार तथा सामाजिक सुरक्षामन्त्री रामेश्वर राय यादवले सोमबार दिउँसो सामूहिक ब्रिफिङ लिएका हुन् । खाडी क्षेत्र र अफ्रिकस्थित नेपाली राजदूत र नियोग प्रमुखहरूसँग कोभिड १९ को प्रभाव, नेपाली श्रमिकहरूको अवस्था र नियोगहरूले गरिरहेका कामहरूका बारेमा जानकारी लिको सामाजिक सञ्जाल ट्विटरमार्फत मन्त्री ज्ञवाली जानकारी दिए ।

उनले दूतावासलाई सम्बन्धित सरकार, रोजगारदाता र नेपाली समुदायसँग निरन्तर सम्पर्क, सहयोग र समन्वयका लागि निर्देशन दिएको उल्लेख गरेका छन् ।

खाडी क्षेत्र र अफ्रिक स्थित नेपाली राजदूत र नियोग प्रमुखहरूसँग कोभिड १९ को प्रभाव, नेपाली श्रमिकहरूको अवस्था र नियोगहरूले गरिरहेका कामहरूका बारेमा जानकारी भिडियो कन्फ्रेन्समार्फत लिइयो, उनले ट्विटरमा उल्लेख गरेका छन्, सम्बन्धित सरकार, रोजगारदाता र नेपाली समुदायसँग निरन्तर सम्पर्क, सहयोग र समन्वयका लागि निर्देशन दिइएको छ ।

खाडी क्षेत्र र अफ्रिक स्थित नेपाली राजदूत र नियोग प्रमुखहरूसँग कोभिड १९ को प्रभाव, नेपाली श्रमिकहरूको अवस्था र नियोगहरूले गरिरहेका कामहरूका बारेमा जानकारी लिन आयोजित भिडियो कन्फ्रेन्स । सम्बन्धित सरकार, रोजगारदाता र नेपाली समुदायसँग निरन्तर सम्पर्क, सहयोग र समन्वयका लागि निर्देशन । pic.twitter.com/ranbG6tOtl
— Pradeep Gyawali (@PradeepgyawaliK) March 23, 2020