सेलपेकाे ट्वान्टी-ट्वान्टी एस ट्वान्टी अफर सुरु

A+ A A-

नेपाल राष्ट्र बैंकबाट अनुमति प्राप्त भुक्तानी सेवा प्रदायक सेलकमको सेलपेका ट्वान्टी-ट्वान्टी एस ट्वान्टी अफर सुरु भएको छ । यस योजनाअन्तर्गत ग्राहकहरूले लक्की ड्रमार्फत् नयाँ सामसुङ ग्यालेक्सी एस ट्वान्टी जित्नेछन् ।

यो योजना ७ देखि २७ चैतसम्म लागू हुनेछ । यस योजनामा सेलपेका ग्राहकले न्यूनतम २० रुपैयाँको कुनै पनि कारोबार, रिचार्ज, युटिलिटी पेमेन्ट, पीटुपी फन्ड ट्रान्सफर गरेवापत लक्की ड्रका लागि कोड नम्बर पाउनेछन् ।

सो कोड नम्बर लक्कीड्रका लागि छनोट हुनेछ र सोही कोडको लक्की ड्रमार्फत् कुनै नयाँ सामसुङ ग्यालेक्सी एस ट्वान्टी जित्नेछन् ।

साथै ७ जनाले हरेक हप्ता पेलेस, एड्रेस लाउन्ज, एक्स-एजबाट विभिन्न उपहारहरू पाउनेछन् । यो योजना नयाँ तथा पुराना दुवै ग्राहकहरूका लागि लागू हुनेछ ।

यसका लागि नयाँ ग्राहकहरूले सेलपे एप डाउनलोड गरी आफ्नो बैंक खाता लिंक गरेपश्चात् न्यूनतम २० रुपैयाँको कुनै पनि कारोबार, रिचार्ज, युटिलिटी पेमेन्ट, पीटुपी फन्ड ट्रान्सफर गर्नुपर्ने सेल पेले जनाएको छ ।

वास्तविक समयमा भुक्तानी, विना वालेट कारोबार गर्न सकिने, सुरक्षित, मर्चेन्ट शुल्क नलाग्ने, लोयल्टी पोइन्ट्सलगायतका सेवा सेलपेका विशेषताहरू हुन् ।

यस्तै, सेलपेद्वारा दूरसञ्चार सेवा, बिजुली, खानेपानी, टीभी, इन्टरनेटको महसुल भुक्तानी, विभिन्न पसल, रेस्टुराँमा भुक्तानी, एक बैंक खाताबाट अन्य बैंक खातामा रकम स्थानान्तरण, स्वदेशभित्र गरिने मनी ट्रान्सफर गर्न सकिने सेलपेले जनाएको छ ।

यस सेवामार्फत् हुने सम्पूर्ण कारोबार बैंकिङ प्रणालीमार्फत् सम्पन्न हुने र सेलपे सेवासँग आवद्ध बैंकका ग्राहकहरूले सहज रूपमा यो सेवा लिन सक्नेछन् । सेलपे सेवा गुगल प्लेस्टोर तथा एप्पल एप स्टोरमा उपलब्ध छ ।

प्रकाशित मिति: बिहीबार, चैत ६, २०७६ १७:५१