एनआईसी एशियाका खातावाल अग्रवालले पाए बीमावापत १५ लाख

A+ A A-

एनआईसी एशिया बैंकले झापाको बिर्तामोडस्थित भद्रपुर रोड निवासी महेश अग्रवाललाई औषधि उपचार बीमाअन्तर्गत १५ लाख रुपैयाँ प्रदान गरेको छ ।

उनलाई बैंकका सहायक प्रमुख कार्यकारी अधिकृत सन्तोषकुमार राठीले ४ चैतमा सो रकमबराबरको चेक हस्तान्तरण गरेका हुन् ।

महेश अग्रवालले एनआईसी बैंकको चन्द्रगढी शाखामा सुपर चमत्कारिक निक्षेप योजनाअन्तर्गत ‘डायमण्ड’ श्रेणीको खाता भएबापत सो रकम प्राप्त गरेका हुन् ।

ओपन हर्ट सर्जरी भएपश्चात् सो खाताभित्र घातक रोगहरूको बीमा सुविधाअन्तर्गत अग्रवालले बीमा रकम दाबी गरेका हुन् ।

यसैगरी, बैंकको बीमासहितको निक्षेप योजनाअन्तर्गत अहिलेसम्म देशभरका १ सय २७ भन्दा बढी ग्राहकले बीमाबापतको ८७ लाख रुपैयाँभन्दा बढी रकम प्राप्त गरिसकेका छन् ।

बीमासहितको बचत सुविधालाई थप प्रभावकारी बनाउन बैंकले विभिन्न चमत्कारिक सुविधासहित ३ किसिमका बीमा योजना समेटिएको न्यू सुपर चमत्कारिक बचत खाता सञ्चालनमा ल्याएको छ ।

यस योजनाअन्तर्गत खाता खोल्ने ग्राहकले २१ लाख रुपैयाँसम्मको बीमा सुविधा प्राप्त गर्न सक्नेछन् ।

सो बीमा सुविधाअन्तर्गत खातावालाको दुर्घटनाबाट मृत्यु भएमा वा पूर्ण रुपमा अशक्त भएमा १० लाख सम्मको बीमा सुविधा, १८ घातक रोगहरूको लागि १० लाख रूपैयाँसम्मको बीमा सुविधा र १ लाखसम्मको औषधि उपचार बीमा सुविधा प्राप्त गर्न सक्नेछन् ।

औषधि उपचार बीमाअन्तर्गत बैंकले आफ्ना ग्राहकलाई विशेष सुविधा दिने उद्देश्यले बहिरंग (ओपीडी) उपचारमा २० हजारसम्म र अस्पताल भर्नाबापत ८० हजार रुपैयाँसम्मको बीमा सुविधा प्रदान गर्दछ ।

देशभर ३ सय १९ शाखा कार्यालय, ४ सय ५७ एटीएम, १ सय ८ वटा एक्स्टेन्सन काउण्टर एवं ६० वटा शाखारहित बैंकिङमार्फत बैंकिङ सेवा प्रदान गर्दै आइरहेको छ ।

प्रकाशित मिति: बुधबार, चैत ५, २०७६ १७:२४