कोरोनाबाट बच्न भन्दै गरिएका यी प्रचार जसलाई 'डब्लुएचओ'ले झुट भन्यो

A+ A A-

विश्व स्वास्थ्य संगठन (डव्लुएचओ) ले काेराेना बारे फैलिएका केही विषयमा गलत र तथ्यहिन भन्दै विश्‍वास नगर्नको लागि अपिल गरेको छ ।

विश्‍वव्यापीरुपमा फैलदै गएको कोरोना भाइरसबाट १ लाख ४६ हजार मानिसहरु संक्रमित भइसकेका छन् । यसबाट मृत्यु हुनेको संख्या साढे ५ हजार पुग्न लागेको छ ।

यस्तो अवस्थामा विश्वभर कोरोनाभाइरसबाट बच्ने विषयमा विभिन्न हल्लाहरु फैलन थालेपछि डव्लुएचओले सचेत गराएको हो ।

जसलाई डब्लुएचओले झुट भन्यो

लसुन खाँदा कोरोनाभाइरको संक्रमण हुँदैन भन्ने विषयलाई काल्पनिक भनिएको छ । लसुन स्वास्थ्यको लागि लाभदायक खाद्यपदार्थ भए पनि कोरोना निको हुने सवालमा कुनै प्रमाण फेला नपरेको डव्लुओले जनाएको छ ।

तातो पानीले नुहाउँदा कोरोना फैलिँदैन भन्ने प्रचार झुट भएको जनाएको छ । डव्लुओले भनेको छ । कोरोना भाइरस तातो पानीमा पनि बाँच्न सक्छ शरीरकै तापक्रम ३६.५ देखि ३७ डिग्री सेन्टिग्रेड हुन्छ । यदि धेरै तातो पानीले नुहाउनुभयो भने शरीर नै जल्न सक्छ तर कोरोनाभाइरस मर्दैन ।

कोरोनाभाइरस लामखुट्टेबाट फैलिँदैन भन्ने विषय पनि काल्पनिक भएको उसले जनाएको छ । यस्ता विषयमा भ्रममण नपर्न डव्लुओले सुझाएको छ ।

थर्मल स्क्यानरले कोरोनाभाइरसको पुष्टि गर्छ भन्ने विषयलाई पनि उसले काल्पनिक भनेको छ । यसले शरीर नछोइ शरीरको तापक्रम बढेको जानकारी दिने हुनाले संक्रमित हुन सक्ने बलियो संकेत दिन्छ । भाइरस संक्रमण भएको वा नभएको पुष्टि भने जाँचपछि मात्र हुन्छ ।

ह्याण्ड ड्रायरबाट, अल्ट्राभ्वाइलेट ल्याम्पबाट, क्लोरिन छर्किंदा कोरोनाभाइरस मर्छ भन्ने विषय सबै झुट भएको उसले जनाएको छ ।

निमोनियाको खोपले कोरोनाबाट बचाउँन सक्छ भन्ने कुराको पनि विश्‍वास नगर्नको लागि उसले आग्रह गरेको छ । कोरोनाभाइरसको लागि कुनै विशेष औषधी बनिसकेको कुरा पनि सत्य नभएको डब्लुएचओले जनाएको छ । उसका अनुसार यो भाइरसको लागि निश्चित औषधी उपलब्ध छैन । वैज्ञानिकहरु अहिले यो भाइरसलाई मार्ने वा संक्रमणबाट बचाउने भ्याक्सिन तयार गर्न जुटेका छन् ।