एनआईसीकाे ‘जति धेरै स्क्यान एण्ड पे, त्यति धेरै पैसा’ योजना

A+ A A-

एनआईसी एशिया बैंकले ‘जति धेरै स्क्यान एण्ड पे, त्यति धेरै पैसा’ योजना ल्याएको छ ।

आफ्नो मोबाइल बैंकिङमा रहेको क्यु आर कोड स्क्यान गरी काारोबार गर्ने ग्राहक तथा मर्चेन्टहरूलाई लक्षित गरी यो योजना ल्याएको हो ।

यो योजना अवधिभर मर्चेन्टहरूले १५ हजार रुपैयाँसम्म र ग्राहकले १ हजार ५ सय रूपैयाँसम्म नगद प्राप्त गर्न सक्नेछन् ।साथै, लक्की ड्र मार्फत ५ जना मर्चेन्टहरूले १ वर्षको लागि निःशुल्क इन्टरनेट प्याकेज प्राप्त गर्न सक्नेछन् ।

यो योजना अन्तर्गत ग्राहक तथा मर्चेन्टहरूले १ चैतदेखि १ महिनासम्म मोवाइल बैंकिङ मार्फत कारोबार गर्नुपर्ने बैंकले जनाएको छ ।

यस किसिमका योजनाहरूले डिजिटल बैंकिङप्रति आकर्षित गर्ने तथा डिजिटल भुक्तानीलाई प्रोत्साहन गर्नुका साथै नेपाल सरकारको ‘डिजिटल नेपाल २०२०’ को लक्ष्यलाई समेत टेवा पु¥याउने बैंकले विश्वास लिएको छ ।

एनआईसी एशिया बैंकले प्रत्येक शुक्रबार बेलुकी ८ बजेदेखि शनिबार बिहान ८ बजेसम्म सञ्चालित ‘ह्याप्पी आवर’ मा मोबाइल बैंकिङ सेवा प्रयोग गरी ५ प्रतिशत वा १ सय रुपैयाँसम्म नगद फिर्ता, पहिलोपटक विजुलीको बिल भुक्तानी गर्दा ५ प्रतिशत वा १ हजार रुपैयाँसम्म छुट, प्रत्येक बुधबार केएफसी तथा पिज्जा हटमा १० प्रतिशत नगद फिर्ता, प्रत्येक बुधबार दराज अनलाइनबाट सामान खरिदमा १० प्रतिशत वा ५ सय रुपैयाँँसम्म छुट, सोनी ब्राभिया टेलिभिजन खरिद गर्दा १० प्रतिशत वा २ हजार रूपैयाँसम्म छुट, ‘जति धेरै कारोबार, त्यति धेरै उपहार’ योजना अन्तर्गत मोबाइल बैंकिङ प्रयोग गरी भाग्यमानी ग्राहकले १ हजार रूपैयाँसम्मको नगद उपहार लगायत योजनाहरू सञ्चालन गरिरहेको छ ।

बैैंकको मोवाइल बैंकिङ सेवा प्रयोग गरी रिचार्ज गर्दा ३ प्रतिशत छुट पनि उपलब्ध छ ।

यससँगै ग्राहकले मोबाइल बैंकिङ र डेबिट कार्ड प्रयोग गरी २ हजार २ सय वटा भन्दाबढी अस्पताल, होटल तथा रेष्टुरेन्ट, डिपार्टमेन्ट स्टोर लगायतमा ३० प्रतिशतसम्म छुट प्राप्त गर्न सक्ने आकर्षक फाइदा लिन सक्नेछन् ।

बैंकले देशभर ३ सय १९ शाखा कार्यालय, ४ सय ५४ एटिएम, १ सय ७ वटा एक्स्टेन्सन काउण्टर एवं ६० वटा शाखारहित बैंकिङमार्फत् बैंकिङ सेवा प्रदान गर्दै आइरहेको छ ।

प्रकाशित मिति: शुक्रबार, फागुन ३०, २०७६ १७:०२