भन्सारमा लिने अग्रिम आयकर खारेज गर्न व्यवसायीको माग

A+ A A-

उद्योगी व्यवसायीले भन्सार विन्दुमा अग्रिक आयकरको व्यवस्था खारेज गर्न माग गरेका छन् । नेपाल उद्योग वाणिज्य महासंघ प्रदेश ५ ले बुटवलको तिलोत्तमामा गरेको कार्यक्रममा उनीहरूले यस्तो माग गरेका हुन् ।

अग्रिम आयकर अव्यवहारिक भएको उनीहरुो दाबी रहेको छ । सामान बिक्रीबाट व्यवसायीलाई ५ प्रतिशत नाफा हुने सुनिश्चित नहुंदै अग्रिम रूपमा भन्सारमा कर असुल्ने सरकारको रणनीतिका कारण उद्योगी व्यवसायी मर्कामा परेको गुनासो गरेका छन् ।

सरकारले व्यापारिक प्रयोजनका लागि आयात गरिने राँगा, भैसी, खसी बोका, भेडा, च्याङग्रा, जीवित, ताजा तथा फ्रोजन माछा, ताजा फूलहरू, ताजा तरकारी, आलु प्याज, सुख्खा तरकारी, लसुन, बेबी कर्न, ताजा फलफूलहरूमा कायम मुल्यमा ५ प्रतिशत र मासु, दुधजन्य पदार्थ, अण्डा, मह, कोदो, फापर,जुनेलो, चामल, कनिका, मैदा आंटा तथा जडीवूटी, उखु र वनस्पतीजन्य उत्पादनमा २.५ प्रतिशत अग्रिम आयकर भंसार विन्दूमै असुल उपर गर्दै आएको छ ।

उनीहरूले ३ तहका सरकार पाल्ने दायित्व उद्योगी व्यवसायीको हो जस्तो गरी कर लगाईएका कारण नयाँ उद्योग स्थापना हुन पनि नसकेको र भएका पुराना उद्योग पनि बन्द हुने स्थितिमा पुगेको समेत गुनासो गरेका छन् ।

महासंघ प्रदेश ५ का अध्यक्ष गुणनिधि तिवारीले व्यवसायीले उठाएका मुद्धाहरू गम्भिर प्रकृतिका रहेकोले समधान केन्द्रित हुन सरकारसँग माग गरे । महासंघका कार्यकारिणी सदस्य समेत रहेका तिवारीले व्यवसायीले दिएको सुझाव सरकारले सुन्न सक्दा आर्थिक विकासमा टेवा पुग्‍ने बताए ।

बुटवल उद्योग वाणिज्य संघ रूपन्देहीका अध्यक्ष खिमबहादुर हमालले सरकारका कर्मचारीको गल्ती कमजोरीको सजाय उद्योगी व्यवसायीलाई हुन लागेको बताउंदै ट्रंक लाइनका नाममा उद्योगहरूलाई लगाइएको विद्युतमा अतिरिक्त शुल्क लिने विषय स्वीकार गर्न नसिकनेब ताए ।

प्रकाशित मिति: मंगलबार, फागुन २७, २०७६ १८:२८