ठेक्का मिलाउन गाउँपालिका अध्यक्षद्वारा पैसाको बार्गेनिङ

A+ A A-

बाजुराको हिमाली गाउँपालिकाका अध्यक्ष गोविन्दबहादुर मल्लले निर्माण व्यवसायी संघ बाजुराका अध्यक्ष विनोद शाहीसँग ठेक्का मिलाउन पैसाको बार्गेनिङ गरेको अडियो सार्वजनिक भएको छ ।

हिमाली गाउँपालिका–४, फैतीमा रहेको शैलेश्वरी प्राविधिक विद्यालयको भवन निर्माणका लागि भ्याटबाहेक १ करोड ६९ लाख १० हजार ७ सय ५७ रूपैयाँको ठेक्का छोरालाई मिलाइदिन पैसाको बार्गेनिङ गरेको अडियो बाहिर आएको छ ।

२१ माघमा गाउँपालिकाले ३० दिने सूचना प्रकाशित गरेको थियो । गाउँपालिकामा ६९ वटा निर्माण व्यवसायीहरूले बोलपत्र फर्म खरिद गरे पनि गाउँपालिकाका अध्यक्ष मल्लले निर्माण व्यवसायीलाई पैसा बाँडेपछि ठेक्का पर्ने उद्देश्यले ४ ओटा फर्म मात्र मिलोमतोमा दर्ता गराएका छन् ।

गाउँपालिकाका अध्यक्षले विगतका दिनमा आफूनिकट कार्यकर्तालाई ठेक्काको जिम्मा दिने गरेका थिए । उनले अडियोमा यो पटक मेरा छोराले ठेक्का लिने चासो देखाएकाले निर्माण व्यवसायीसँंग यसरी बसेको हुँ समेत भनेका छन् । उनले निर्माण व्यवसायीलाई कार्यकक्षमै बोलाएर पैसाको बार्गेनिङ गरी पैसा बाँडेका छन् ।

निर्माण व्यवसायी संघ बाजुराका अध्यक्ष विनोद शाहीले कति प्रतिशत पैसा बाँड्नुहुन्छ भनेर साेध्दा गाउँपालिकाका अध्यक्ष मल्लले पूरै बजेटको ५ प्रतिशत वा ७ प्रतिशत बाँड्न सकिनेसमेत भनेका छन् ।

निर्माण व्यवसायी संघका अध्यक्ष शाहीले त्यो त कम भयो भन्दा १ करोडको ७ प्रतिशत रूपैयाँ लैजानुस् समेत भनेका छन् ।

व्यवसायीहरूले १३ लाख दिनुपर्ने अडान राखेपछि अन्त्यमा गाउँपालिकाका अध्यक्ष गोविन्दबहादुर मल्ल ९ लाख दिएर कार्यकक्षबाट बाहिरिएको अडियोमा खुलेको छ ।

सरकारले ठेक्का प्रक्रियाबाट घटाघट गरी योजना निर्माण गर्ने गरे पनि स्थानीय तहका जनप्रतिनिधिहरूले यसरी लुट मच्चाइरहँदा सरोकारवाला निकाय भने मौन रहेको स्थानीयको गुनासो छ ।

ठेक्का प्रक्रिया गर्दा प्रतिस्पर्धाका आधारमा गर्नुपर्ने र सबैभन्दा बढी घटेको व्यवसायीले काम गर्न पाउने व्यवस्था भए पनि हिमाली गाउँपालिकाको सो विद्यालयको भवन बनाउनका लागि व्यवसायीहरूका बीचमा मिलेमतो गरी पैसा बाँडेर ठेक्का आफ्नो छोरालाई पारेकोे देखिन्छ ।

ठेक्का प्रक्रियालाई व्यवस्थित बनाउन जिल्ला निर्माण व्यवसायी संघले समन्वयात्मक भूमिका खेल्नुपर्ने भए पनि उल्टै बार्गेनिङ गर्ने र पैसा बाँडफाँट गर्ने गरेको अडियोमा खुलेको छ ।

हिमाली गाँउपालिकाका अध्यक्ष गोविन्दबहादुर मल्लले भने आफूलाई फसाउनका लागि सुनियोजित तरिकाले गरेको बताएका छन् । आफ्नो छोराको कुनै ठेक्का फर्म नभएको बताएका छन् ।

गत आर्थिक वर्षमा गाउँपालिका भवन निर्माणमा पनि मिलेमतो भएको थियो । गाउँपालिका भवन फर्म बिक्री ६३ वटा भएका थिए । ८४ लाखमा गरिएको टेन्डरमा प्रतिशतमा ठेक्का मिलेको थियो । मिलेमतो ठेक्का मस्टा कन्ट्रक्सन एण्ड अर्डर सप्लायर्स बाजुराले पाएको थियो ।

बाजुराका कुन कुन ठेक्का मिलेमतोमा ?

बूढीन्नदा नगरपालिका ल्याण्डफिल्ड निर्माण

बोलपत्र फर्म बिक्री ५१ वटा । बोलपत्र दाखिला ४ वटा । लागत अनुमान १ करोड ६७ लाख ७५ हजार । स्वीकृत रकम १ करोड ६६ लाख ९१ हजार ७ सय ९८ रूपैयाँ । घटेको प्रतिशत ०.५० । ठेक्का पाउने कम्पनी, हण्डिक इन्जिनियर एण्ड कन्स्ट्रक्सन ।

ल्याण्डफिल्ड जोड्ने सडक

फर्म बिक्री २७ वटा । बोलपत्र दाखिला ४ वटा । लागत अनुमान २७ लाख १० हजार ७ सय ८० हजार । स्वीकृत २५ लाख ५३ हजार ६ सय ४६ । घटेको प्रतिशत ०.५८ । ठेक्का पाउने चन्द्रनाथ निर्माण सेवा ।

नन्देश्वरी–कोटिला सडक

फर्म बिक्री ४९ वटा । बोलपत्र दाखिला ४ वटा, लागत अनुमान ६२ लाख २६ हजार ४ सय ४५ रूपैयाँ । स्वीकृत ६१ लाख ८० हजार ७ सय ८ । घटेको प्रतिशत ०.४७ । पाउने ठेकेदार चण्डीका निर्माण सेवा हिमाली ।

मार्तडी–कोल्टी सडक

फर्म बिक्री ८ वटा । बोलपत्र दाखिला ४ वटा । लागत अनुमान ३८ लाख ५४ हजार ४ सय ४९ रूपैयाँ । स्वीकृत ३८ लाख ८ हजार ७ सय ४४ रूपैयाँ । घटेको प्रतिशत १.२० । ठेक्का पाउने अंकित निर्माण सेवा बडिमालिका ।

बेलडाँडा कुरू सडक

फर्म बिक्री ४९ वटा । बोलपत्र दाखिला ८ वटा । लागत अनुमान ७३ लाख ८२ हजार १ सय ५४ रूपैयाँ । स्वीकृत ७३ लाख ५४ हजार १ सय ७७ रूपैयाँ । घटेको प्रतिशत ०.३८ । ठेक्का पाउने कम्पनी, एलबी कन्स्ट्रक्सन सेवा ।

पोरखे–पादुका सडक

फर्म बिक्री ३० वटा । बोलपत्र दाखिला ४ वटा । लागत अनुमान ५७ लाख ३५ हजार ४ सय रूपैयाँ । स्वीकृत रकम ५७ लाख ३४ हजार ४ सय ५६ । घटेको प्रतिशत ०.०६ । ठेक्का पाउने सीआई कन्ट्रक्सन सेवा ।

हिमाली गाउँपालिका भवन

फर्म बिक्री ६३ वटा । बोलपत्र दाखिला ३ वटा । लागत अनुमान ८४ लाख रूपैयाँ । सतप्रतिशतमा ठेक्का मिलेको । ठेक्का पाउने मस्टा कन्स्ट्रक्सन एण्ड अर्डर सप्लायर्स बाजुरा ।

त्रिवेणी नगरपालिका झोलुङ्गे पुल क्षेत्रगत कार्यक्रम

फर्म बिक्री ३ वटा । बोलपत्र दाखिला ३ वटा । लागत अनुमान ८ लाख १६ हजार २ सय रूपैयाँ । स्वीकृत ८ लाख २ हजार रूपैयाँ । ठेक्का पाउने मालिका इन्जिनियरिङ, धनगढी ।

आधारभूत स्वास्थ्य सेवा कार्यक्रम

फर्म बिक्री २८ वटा । बोलपत्र दाखिला ३ वटा । लागत अनुमान १८ लाख ९१ हजार रूपैयाँ । स्वीकृत रकम १८ लाख ९५ । ठेक्का पाउने त्रिबेणी निर्माण सेवा ।

आधारभूक्त स्वास्थ्य सेवा कार्यक्रम

फर्म बिक्री २७ वटा । बोलपत्र दाखिला ३ वटा । लागत अनुमान १८ लाख ९१ हजार रूपैयाँ । स्वीकृत रकम १८ लाख ६७ हजार । ठेक्का पाउने एमएस कन्ट्रक्सन प्रालि ।

आधारभुक्त स्वास्थ्य सेवा कार्यक्रम

फर्म बिक्री २९ वटा बोलपत्र दाखिला ३ वटा । लागत अनुमान १८ लाख ९४ हजार ९ सय रूपैयाँ । स्वीकृत रकम १८ लाख ७१ हजार ८ सय । ठेक्का पाउने कम्पनी, सुधम कन्ट्रक्सन एण्ड ट्रेडर्स सप्लायर्स प्रालि ।

आधारभूत स्वास्थ्य सेवा कार्यक्रम

फर्म बिक्री २६ वटा । बोलपत्र दाखिला ३ वटा । लागत अनुमान १९ लाख ३३ रूपैयाँ । स्वीकृत १८ लाख ७९ हजार ५ सय रूपैयाँ । ठेक्का पाउने एम वसन्त कन्स्ट्रक्सन प्रालि ।

छेडेदह गाउँपालिका–थामलेख सडक

फर्म बिक्री ३२ वटा । बोलपत्र दाखिला २ वटा लागत अनुमान ४२ लाख ९७ हजार २ सय ५७ रूपैयाँ । पाउने ठेकेदार, आरएन निर्माण सेवा ।

डुग्री खोला–बडदाउने सडक

फर्म बिक्री ३६ वटा । बोलपत्र दाखिला ३ वटा । लागत अनुमान ४३ लाख ३ हजार ८ सय ९० । घटेको रकम प्रतिशत ०.०६ । ठेक्का पाउने जिके कन्स्ट्रक्सन बडिमालिका ।

अधारी खोला–छडिपाटल सडक

फर्म बिक्री ३५ वटा । बोलपत्र दाखिला ३ वटा । लागत अनुमान ४२ लाख ८८ हजार ७ सय ९ । घटेको रकम प्रतिशत ०.३८ । ठेक्का पाउने अशोक कन्स्ट्रक्सन एण्ड अर्डर सप्लायर्स ।

आटिचौर–छेडेदह सडक

फर्म बिक्री ३२ वटा । बोलपत्र दाखिला ३ वटा । लागत अनुमान ४३ लाख ६ हजार ६१ । घटेको रकम प्रतिशत ०.०८ । ठेक्का पाउने न्यू बडालेख निर्माण सेवा छेडेदह ।

मोटरसाइकल खरिद

फर्म बिक्री १ । बोलपत्र दाखिला १ । लागत अनुमान ११ लाख ९१ हजार ६ सय ५५ । घटेको रकम ०.००४२ प्रतिशत । ठेक्का पाउने अशोक स्वयता ट्रेड एण्ड कन्सर्न ।

बिरखेत झोलुगे पुल

फर्म बिक्री ३ । बोलपत्र दाखिला ३ । लागत अनुमान १४ लाख ३६ हजार ९ सय १२ । घटेको रकम ०.००३६ प्रतिशत । ठेक्का पाउने मालिका इन्जिनियरिङ, धनगढी ।

घटमुना–काल्च्या सडक निर्माण

फर्म बिक्री ५४ । बोलपत्रमा दाखिला ३ । लागत रकम ९९ लाख ६४ हजार । सतप्रतिशतमा पाउने श्री सुनन्दा मष्टेश्वरी निर्माण सेवा ।

गाउँपालिका इन्टरनेट जडान

फर्म बिक्री ३ । बोलपत्र दाखिला ३ । लागत रकम १९ लाख । सतप्रतिशतमा पाउने ठेकेदार श्री नर्मदा इन्फोसिस महेन्द्रनगर ।

विपद व्यवस्थापन सामग्री खरिद

फर्म बिक्री ३ । बोलपत्र दाखिला ३ । लागत रकम १० लाख । सतप्रतिशतमा पाउने ठेकेदार सरोज निर्माण सेवा एण्ड अर्डर सप्लायर्स गौमुल ।

जगन्नाथ गाउँपालिकाको गाडी खरिद

फर्म बिक्री १ । बोलपत्र दाखिला १ । लागत अनुमान ५७ लाख ७७ हजार ५ सय २२ । घटेको रकम ५५ लाख ९० हजार । पाउने ठेकेदार अग्नि इन्कर्पोन्ट प्रालि, काठमाडौं ।

पिलिचौर–ढाडाकोट सडक निर्माण

खरिद फर्म बिक्री ३२ । बोलपत्र दाखिला ३ । लागत अनुमान ५० लाख ८२ हजार । घटेको रकम ५० लाख ४७ हजार ११ । पाउने ठेकेदार हन्डिक इन्जिनियरिङ एण्ड कन्सल्टेन्सी प्रालि ।

सेरा हुनि–काडाकोट सडक निर्माण

फर्म बिक्री २० । बोलपत्र दाखिला ३ । लागत अनुमान ५० लाख ७५ हजार घटेको रकम ५० लाख ६५ हजार ७ सय ५१ । पाउने ठेकेदार आपुसा कन्स्ट्रक्सन काठमाडाैं ।

कर्णाली काेरिडोरदेखि मनिकाडा सडक निर्माण

खरिद फर्म बिक्री ४९ । बोलपत्र दाखिला ४ । लागत अनुमान १ करोड ७१ लाख ८१ हजार ९ सय ८९ । घटेको रकम १ करोड ७१ लाख २९ हजार ६ सय ९७ । ठेक्का पाउने हन्डिक इन्जिनियरिङ एण्ड कन्सल्टेन्सी ।

झोलुंगे पुलको फेवरिकेशन खरिद

फर्म बिक्री १ । बोलपत्र दाखिला १ । लागत अनुमान १३ लाख २७ हजार २४ । घटेको रकम १३ लाख २६ हजार ४ सय ७४ पाउने ठेकेदार एम के इन्जिनियरिङ बुटबल ।

बल्देजुडी काडाकोट खानेपानी

फर्म बिक्री ५० । बोलपत्र दाखिला ४ । लागत अनुमान ५४ लाख ५७ हजार ७ सय १५ । घटेको रकम ५४ लाख ४६ हजार ५ सय ९३ । पाउने ठेकेदार त्रिवेणी कन्स्ट्रक्सन ।

सेरा हुनी–काँडाकोट सडक

फर्म बिक्री ४० । बोलपत्र दाखिला ५ । लागत अनुमान १ करोड ३४ लाख ४८ हजार ८ सय २७ । घटेको रकम १ करोड ३३ लाख ७१ हजार ४ सय १९ । ठेक्का पाउने मिलीजुली निर्माण सेवा ।

पिलीचौर–ढाडाकोट सडक

फर्म बिक्री ५० । बोलपत्र दाखिला ४ । लागत अनुमान १ करोड ५ लाख ९४ हजार २७ । घटेको रकम १ करोड ५ लाख ३६ हजार ६ सय ८७ । पाउने ठेकेदार हन्डिक इन्जिनियरिङ एण्ड कन्सल्टेन्सी प्रालि ।

कर्णाली–फेरी सडक निर्माण

फर्म बिक्री १६ । बोलपत्र दाखिला ४ । लागत अनुमान १ करोड ६७ लाख ७८ हजार ३ सय ३३ । ठेक्का पाएको १ करोड ६७ लाख ६८ हजार १ सय ११ । पाउने ठेकेदार सुनन्दा मस्टेश्वरी निर्माण सेवा ।

काम्ती कोटकाटियाँ झोलुंगे पुल

फर्म बिक्री १ । दाखिला १ । लागत १६ लाख ६२ हजार ५ सय १३ । स्वीकृत रकम १६ लाख ६१ हजार ८ सय ४५ । पाउने ठेकेदार एम. के इन्जिनियरिइ बुटवल ।

बडिमालिका नगरपालिका जीआई पाइप फिटिङ सप्लाई

फर्म खरिद ४ । दाखिला ३ । लागत रकम १७ लाख ५२ हजार ६ सय ३ । घटेको प्रतिशत ०.८० । ठेक्का पाउने बेतालमाडाैं निर्माण सेवा एण्ड अर्डर सप्लायर्स ।

स्टिल पार्ट एण्ड फेब्रिकेसन सप्लाई कार्य

फर्म खरिद ३ । सहभागी ३ । लागत रकम १९ लाख ७८ हजार ७ सय ३७ । घटेको ०.३० प्रतिशत । पाउने ठेकेदार एमके इन्जिनियरिङ बुटवल ।

पिनालेख स्वास्थ्य केन्द्र भवन निर्माण

फर्म खरिद १६ । प्रक्रियामा ३ । लागत रकम १६ लाख ८७ हजार ४ सय ९५ । घटेको प्रतिशत ०.२८ । ठेक्का पाउने न्यू कैलाशपति निर्माण सेवा एण्ड अर्डर सप्लायर्स ।

रजाली स्वास्थ्य केन्द्र भवन निर्माण

फर्म खरिद ३१ । प्रक्रियामा सहभागी ३ । लागत रकम १६ लाख ८८ हजार ३ सय २१ । घटेको ०.३० प्रतिशत । पाउने ठेकेदार घटाल कन्स्ट्रक्सन एण्ड अर्डर सप्लायर्स ।

रिला स्वास्थ्य केन्द्र भवन निर्माण

फर्म खरिद २० । प्रक्रियामा सहभागी ४ । लागत रकम १६ लाख ८७ हजार ८ सय ९ । घटेको रकम ०.३० प्रतिशत । ठेक्का पाउने सुनन्दा मष्टेश्वरी निर्माण सेवा ।