होलीमा एनआईसी एशिया बैंकको शतप्रतिशत नगद फिर्ता अफर

A+ A A-

एनआईसी एशिया बैंकले होली विशेष अफर ल्याएको छ । बैंकका मोबाइल बैंकिङ प्रयोगकर्ताहरूका लागि यो अफर ल्याइएको बैंकले जनाएको छ ।

यस अफरमा मोवाइल बैंकिङ सेवा प्रयोग गरी २६ र २७ फागुनमा कारोबार गर्दा २ सय जना ग्राहकले शतप्रतिशत वा अधिकतम ५ हजारसम्म नगद फिर्ता प्राप्त गर्न सक्नेछन् ।

बैंकको मोबाइल बैंकिङ प्रयोग गर्दा मासिक १५ हजार ४ सय रुपैयाँसम्म तथा डेबिट कार्ड प्रयोग गरी मासिक ६ हजार रुपैयाँसम्मको लाभ लिइरहेको एनआईसी एशिया बैंकले जनाएको छ ।

डिजिटल फष्ट रणनीति अवलम्बन गरी डिजिटल बैंकिङ क्षेत्रमा अग्रणी बैंकका रुपमा स्थापित बैंक विभिन्न छुट तथा नगद फिर्ता अफरहरूका कारोबार गरिहेको छ ।

मोबाइल बैंकिङ र डेबिट/क्रेडिट कार्ड प्रयोगमा अफरै अफर

प्रत्येक शुक्रबार बेलुकी ८ बजेदेिख शनिबार बिहान ८ बजेसम्म सञ्चालित ह्याप्पी आवरमा मोबाइल बैंकिङ सेवा प्रयोग गरी ५ प्रतिशत वा १ सय रुपैयाँसम्म क्यास ब्याक, पहिलोपटक बिजुलीको बिल भुक्तानी गर्दा ५ प्रतिशत वा एक हजारसम्म छुट, प्रत्येक बुधबार केएफसी तथा पिज्जा हटमा १० प्रतिशत क्यास ब्याक, प्रत्येक बुधबार दराज डट कमबाट सामान खरिद गर्दा १० प्रतिशत वा ५ सय रुपैयाँसम्म छुट, सोनी ब्राभिया टेलिभिजन खरिद गर्दा १० प्रतिशत वा २ हजारसम्म छुट लगायत विभिन्न अफरहरू बैंकले सञ्चालन गरिरहेको छ ।

यस्तै, मोबाइल बैंकिङ सेवा प्रयोग गरी रिचार्ज गर्दा ३ प्रतिशत छुट पनि उपलब्ध छ । यसका अतिरिक्त बैैंकका ग्राहक महानुभावहरूले मोबाइल बैंकिङ र डेबिट कार्ड प्रयोग गरी २ हजारभन्दा बढी अस्पताल, होटल तथा रेष्टुरेन्ट, डिपार्टमेन्ट स्टोरलगायतमा अधिकतम २५ प्रतिशतसम्म छुट प्राप्त गर्न सक्नेछन् ।

बैंकले सञ्चालन गरेको ‘जति धेरै कारोबार, त्यति धेरै उपहार’ योजना अन्तर्गत मोबाइल बैंकिङ प्रयोग गरी अधिकतम कारोबार संख्या गर्ने ३ जना ग्राहकले प्रत्येक हप्ता जनही ५ सय रुपैयाँ तथा मासिक रुपमा अधिकतम कारोबार संख्या गर्ने ३ जना ग्राहकले जनही १ हजारसम्मको नगद उपहार प्राप्त गर्दै आएका छन् ।