एनआईसी एशियामा मुद्दती खाता खोल्दा २१ लाखकाे थप बीमा सुविधा

A+ A A-

एनआईसी एशिया बैंकले उच्च ब्याजदरसँगै २१ लाख रूपैयाँसम्मको बीमा सुविधा भएको मुद्दती निक्षेप खाता सञ्चालनमा ल्याएको छ । बैंकले न्यू सुपर चमत्कारिक मुद्दती निक्षेप खाताअन्तर्गत त्यस्तो सुविधा थप गरेको हो ।

उच्च ब्याजदर पाइने खाताको रुपमा चिनिएको यो मुद्दती निक्षेप खाता खोलेकै आधारमा आफ्नाहरूका लागि तीन विभिन्न अतुलनीय बीमा सुविधा दिएको छ । जसले परम्परागत रूपमा रहेको मुद्दती निक्षेप खाताको परिभाषा नै फेरिदिएको छ ।

बैंकले ग्राहक महानुभावहरूको सुविधाका लागि न्यू सुपर चमत्कारिक मुद्दती निक्षेप खाता मार्फत जीवनमा आईपर्न सक्ने अकल्पनीय जोखिमको भरपाइ गर्न २१ लाख रूपैयाँसम्मको चमत्कारिक बीमा सुविधा दिएको जनाएको छ । बैंकले खातावालाको दुर्घटनाबाट मृत्यु भएमा वा पूर्ण रुपमा अशक्त भएमा १० लाख रूपैयाँसम्मको बीमा सुविधा दिएको छ । यस्तै, ग्राहकमहानुभावले १८ घातक रोगहरूका लागि १० लाख रूपैयाँसम्म र १ लाख रूपैयाँसम्मको औषधि उपचार बीमा सुविधा पाउन सक्ने बैंकले बताएको छ ।

ग्राहक महानुभावले बहिरंग (ओपीडी) विभागमा गई उपचार गर्नुपरेमा २० हजार रुपैयाँसम्मको ओपीडी सुविधा लिन सकिनेछ । यो २० हजारले डाक्टरको शुल्क, ल्याब टेष्ट, औषधिलगायतका काममा खर्च गर्न सकिने बैंकले जानकारी दिएको छ । ग्राहक सिकिस्त बिरामी भई अस्पतालमै भर्ना हुनुपर्ने अवस्था आएमा बैंकले ८० हजार रुपैयाँसम्म बीमाबाटै खर्च गर्न सकिने बताएको छ ।

बैंकले ल्याएको विभिन्न निक्षेप योजनामा हालसम्म १ सय २ जना ग्राहकले यो सुविधाबाट रू. ६० लाखभन्दा बढीको बीमा रकम प्राप्त गरिसकेको दाबी गरेको छ । यो योजनाले आफ्ना ग्राहकवर्गहरूलाई निकै फाइदा पुग्ने बैंकले विश्वास लिएको छ । ग्राहक आफैँले २१ लाखसम्मको बीमा गर्नुपरेमा करिब १४ हजार रुपैयाँ बीमा शुल्क तिर्नुपर्ने हुन्छ । तर यस न्यू सुपर चमत्कारिक योजनाअन्तर्गत खाता खोलेका ग्राहकको उक्त रकमबराबरको बीमा शुल्क बैंक स्वयमले एभरेष्ट इन्स्योरेन्स कम्पनी लिमिटेडलाई सम्झौता गरेअनुरुप भुक्तानी गरिदिन्छ । जसले गर्दा ग्राहकले कुनै पनि अतिरिक्त शुल्क खर्च नगरी १४ हजार रुपैयाँको सेवा लिन सक्ने बैंकको दाबी छ ।

बैंकका अनुसार न्यूनतम १ लाख वा सोभन्दा बढीको मुद्दती निक्षेप खातामा भने १२ लाख ५० हजार रूपैयाँसम्म बीमा सुविधा प्राप्त गर्न सकिनेछ । बैंकले खातावालको दुर्घटनाबाट मृत्यु भएमा वा पूर्ण रूपमा अशक्त भएमा १० लाख रूपैयाँसम्मको बीमा सुविधा दिइएको छ । यस्तै, ग्राहक महानुभावले १८ घातक रोगहरुका लागि २ लाख रूपैयाँसम्म र ५० हजार रूपैयाँसम्मको औषधि उपचार बीमा सुविधा पाउन सक्नुहुनेछ ।

कति निक्षेपमा कस्ताे बीमा सुविधा ?

न्यूनतम निक्षेप रकम बीमा सुविधा ब्याजदर

रू. १ लाख वा सोभन्दा बढी १२ लाख ५० हजार बीमा सुविधा ९.७५%

रू. १० लाख वा सोभन्दा बढी २१ लाख बीमा सुविधा ९.७५%

रू. २५ लाख वा सोभन्दा बढी २१ लाख बीमा सुविधा ९.७५%

बैंकर्स संघमा भएको भद्र सहमतिअनुसार बैंकहरूले मुद्दती निक्षेप खातामा ९.२५ प्रतिशतसम्म ब्याज दिन पाइन्छ । तर, त्यसमा शाखा प्रमुखले बढीमा ०.५० प्रतिशतसम्म ब्याजदर थप्न सक्छन् । त्यसैले प्रायः सबै बैंकले मुद्दती निक्षेप खातामा बढीमा ९.७५ प्रतिशतसम्म ब्याज दिन्छन् । एनआईसी एशिया बैंकले भने सर्वाधिक उच्च ब्याजदरसँगै आफ्ना ग्राहकवर्गको फाइदाका लागि २१ लाख रूपैयाँसम्मको बीमा सुविधा थप गरेको छ ।

प्रकाशित मिति: सोमबार, फागुन १९, २०७६ १९:१९