सामसुङ ग्यालेक्सी एस२० र एस२० प्लसको प्रि–अर्डर खुल्याे

A+ A A-

सामसुङ नेपालले ग्यालेक्सी एस२० र एस२० प्लसको प्रि–अर्डर १४ फागुनबाट खुला गरेको जानकारी दिएको छ ।

नेपालमा ३० फागुनबाट मात्रै ती फोनहरू उपलब्ध हुनेछन् । यद्यपि प्रि–अर्डर गरेका उपभोक्ताहरूले भने सो मितिभन्दा अगाडि नै पाउनेछन् ।

सामसुङको ग्यालेक्सी एस२० सिरिजले भिडियोग्राफी र फोटोग्राफीलाई नयाँ ढंगले प्रस्तुत गरेको सामसुङ मोबाइल बिजनेस हेड प्रणयरत्न स्थापितले बताए ।

फ्यागसिप डिभाइसमा रहेको सेन्सर र प्रविधिले फोटो तथा भिडियो खिच्न सजिलो बनाउने उनले बताए । फोटोका लागि ६४ मेगापिक्सेलको क्यामेरा र सेन्सर राखिएको छ । ३० एम्स जुम सिस्टम पनि दुवै फोनमा रहेको छ ।

सामसुङको यो सिरिजको फोनबाट ८केसम्मको भिडियो रेकर्डिङ गर्न सकिनेछ, जुन विश्वका अन्य फोनहरूमा नभएको उनको दाबी छ ।

फोनको अग्रिम अर्डर अवधिमा नेपालका कुनै पनि सामसुङ स्टोरमा ५ हजार अग्रिम जम्मा गरेर अर्डर गर्न सकिन्छ । एस२० प्लस अर्डर गर्ने ग्राहकहरूले ग्यालेक्सी बड्स प्लस निःशुल्क वा ३२ इन्चको सामसुङ टीभी ५ हजार ९ सय ९९ मा खरिद गर्न सक्नेछन् ।

एस२० को अग्रिम बुकिङ गर्नेहरूले २ हजार ९ सय ९९ थप गरी ग्यालेक्सी बड्स प्लस खरिद गर्न सक्नेछन् । ३२ इन्चको टीभी ८ हजार ९ सय ९९ मा खरिद गर्न सक्ने सामसुङले जनाएको छ ।

अग्रिम अर्डर गरेका ग्राहकहरूले एक पटकको टुटफुटमा १२ महिनाको बीमा तथा विभिन्न बैंकहरूबाट किस्ता (एएमआई) पनि उपलब्ध हुनेछ । लक्की ड्रका लागि अग्रिम बुकिङ गर्ने ग्राहकहरू स्वतः योग्य हुने बताइएको छ ।

जसमा विजेताहरूले टर्किस एयरलाइन्सको तर्फबाट दुईतर्फी बिजनेस क्लास टिकेट, ग्यालेक्सी वाच एक्टी २, केजीएच ग्रुपको वाटर फ्रन्ट रिसोर्ट वा हिमालय फ्रन्ट होटलमा दुई रात बास बस्न पाउनेछन् ।

त्यसैगरी, लेट मी इनको तर्फबाट ५ हजारबराबरको कुपन पनि पाइने बताएको छ । एस२० को मूल्य १ लाख ७ हजार ४ सय ९९ र एम २० प्लसको मूल्य १ लाख १९ हजार ४ सय ९९ ताेकिएकाे छ ।

प्रकाशित मिति: सोमबार, फागुन १९, २०७६ १८:१७