‘फ्राइडे’ तीन चलचित्र रिलिज

A+ A A-

चलचित्र ‘जानी नजानी’, ‘द म्यान फ्रम काठमाडौं’ र ‘पुरानो बुलेट’ शुक्रबारबाट हलमा रिलिज हुदैछ ।

रोशनी केसीको निर्माणमा बनेको चलचित्र ‘जानी नजानी’मा मनिष श्रेष्ठ र निरिषा बस्नेतको अभिनय छ । बसन्त अधिकारीको निर्देशन गरेको ‘जानी नजानी’मा सामिप्यराज तिमिल्सिनाको कथा, पटकथा तथा संवाद छ ।

सागरकाजी माली र मोदनाथ खनालको निर्माण रहेको चलचित्रमा मनिष निरिषा साथमा सन्नी सिंह, नम्रता श्रेष्ठ, प्रकाश अधिकारीको पनि अभिनय छ । प्रविण सिंहको कोरियोग्राफी छ । संजय लामाले खिचेको चलचित्रमा अर्जुन जीसीको सम्पादन छ ।

नेपाली निर्माताले निर्माण गरेको अंग्रेजी सिनेमा ‘द म्यान फ्रम काठमाडौं’ले अतिवादी सोच भएको एक हिन्दु–मुस्लिम युवकको मनोवैज्ञानिक र भौतिक यात्राको कथा भन्छ । चलचित्रमा अमेरिकी अभिनेता जोसे म्यानुअल, बलिउड अभिनेता गुल्सन ग्रोवर, पाकिस्तानी अभिनेता हमिद शेख, नीर शाह, आना शर्मा, शिशिर बाङ्देल, कर्म शाक्य, आमिर गौतम लगायत कलाकारहरुका अभिनय छ ।

पेमा धोन्डुप चलचित्रका निर्देशक हुन् । यसअघि ‘वी आर नो मंक्स’ निर्देशन गरेका थिए । चलचित्रमा दुई भागमा रिलिज हुनेछ । क्यूएफएक्स सिनेमाज्का प्रमुख नकिम उद्दिनले निर्माण गरेका हुन् ।

त्यस्तै भिषण राईले निर्देशन रहेको चलचित्र ‘पुरानो बुलेट’मा शिर्ष भूमिकामा अभिनेता अनुप विक्रम शाही र अभिनेत्रीद्धय माला लिम्बु र बर्षा सिवाकोटीलाई देख्न सकिन्छ । चलचित्रमा अशोककुमार राई, टिकाराम राई, विरेन साम्बा र दिपेन लिम्बुको सयुक्त निर्माण हो । क्रेजी इन्टरटेन्मेन्ट प्रस्तुतीमा बनेको चलचित्रलाई हरि लामाले खिचेका हुन् भने अर्जुन जीसीको सम्पादन गरेका हुन् ।