७ महिनामा मोटरसाइकल दुर्घटनाबाट ७३ जनाको मृत्यु

A+ A A-

प्रदेश–१ महिना ७ महिनाको अवधिमा मोटरसाईकल दुर्घटनाबाट ७३ जनाको जनाको मृत्यु भएको छ । चालु आर्थिक वर्षको माघ मसान्त सम्ममा भएका ५ सय ६३ वटा मोटरसाइकल दुर्घटनामा ७३ जनाको मृत्यु भएको हो ।

प्रदेश–१ मा सबैभन्दा बढी मोटरसाईकल दुर्घटना हुने गरेको पाइएको छ । अन्य सवारीको तुलनामा बढी दुर्घटनामा पर्ने र मानवीय एवम् भौतिक क्षति धेरै हुने सवारी साधनमा मोटरसाइकल अग्रस्थानमा रहेको पाइएको हो ।

बढी ट्राफिक नियम उल्लंघन पनि मोटरसाइकलबाटै हुने गरेको प्रदेश–१ ट्राफिक प्रहरी कार्यालय इटहरीले जनाएको छ ।

प्रदेश–१ ट्राफिक प्रहरी प्रमुख प्रहरी उपरीक्षक भीमबहादुर दाहालले नियमको पालना नगरिकन लापरबाहीपूर्ण तरिकाले चलाइने गरेका कारण मोटरसाइकल बढी दुर्घटनामा पर्ने गरेको बताए ।

उनले मापसे (मादक पदार्थ सेवन) गरेर चलाउने, हेल्मेट नलगाउने र त्यसको क्लिप नबाँध्ने, दुई जना भन्दा बढी चढ्ने, तीव्र गतिमा हाँक्ने लगायतका नियम उल्लंघन गरेर मोटरसाइकल चलाउने गरिएको उनको भनाइ छ ।

दुई जनाभन्दा बढी चढ्दा, तीव्र गतिमा र मापसे गरेर चलाउँदा सन्तुलन विग्रिएर धेरै दुर्घटना हुने ट्राफिक प्रहरीले जनाएको छ ।

‘मोटरसाईकलमा तीन जना चढ्ने, हेल्मेट र त्यसको क्लिप नलगाउने, तीव्र गतिमा कुदाएर एकले अर्को सवारीलाई ओभरटेक गर्ने कारण बढी दुर्घडना हुनेगरेको पाइएको छ,’ उनले भने, ‘त्यति मात्र नभएर गलत साइड प्रयोग गर्ने, सवारी चालक अनुमति पत्र (लाइसेन्स) बिना गाडी चलाउने, लेन अनुसाशन र ट्राफिक संकेतहरुको पालना नगर्नेलगायतका कारणले धेरै दुर्घटना भइरहेको छ ।’

उनले सडक र सवारी साधनको अवस्था, यान्त्रिक गडबडी, छाडा पशु चौपाय, जथाभावी बाटो काट्ने पैदल यात्रु, सडकमा उचित सूचनाको अभाव, सडकको असुरक्षित ट्रयाक, सवारी साधनको अत्याधिक चाप, ट्राफिक संकेत र सूचनाहरु पर्याप्त नहुनु दुर्घटनाका अन्य कारण रहेको ट्राफिकको भनाइ छ ।

प्रकाशित मिति: मंगलबार, फागुन १३, २०७६ ०८:१८