एनआईसी एशियाका ग्राहकलाई सोनी ब्राभिया टीभी किन्दा २ हजारसम्म छुट

A+ A A-

एनआईसी एशिया बैंकका ग्राहकहरूले सोनी ब्राभिया ब्राण्डका टेलिभिजन खरिद गर्दा अधिकतम २ हजार रुपैयाँसम्म छुट पाउने भएका छन् । बैंकले आफ्ना ग्राहकहरूलाई उच्चतम लाभ पुर्‍याउन नेपा हिमा ट्रेड लिंक प्रा.लि.सँग छुट दिनेसम्बन्धी सम्झौता गरिएको सहायक प्रमुख कार्यकारी अधिकृत सन्तोषकुमार राठीले जानकारी दिए ।

सोसम्बन्धी सम्झौतापत्रमा बैंकको तर्फबाट सहायक प्रमुख कार्यकारी अधिकृत राठी र नेपा हिमा ट्रेड लिंक प्रा.लि.को तर्फबाट कार्यकारी निर्देशक राजेश तुलाधरले हस्ताक्षर गरेका हुन् ।

सम्झौताअनुसार अब एनआईसी एशिया बैंकका ग्राहकले सोनी ब्राभिया टेलिभिजनका मोडल नम्बर ६५×८०००जी, ६५×९५००जी, ५५ए८जी, ५५ए८एफ र ५५ए१ खरिद गर्दा छुट पाउनेछन् ।

सहायक प्रमुख कार्यकारी अधिकृत राठीले भने, ‘एनआईसी एशिया बैंकको डेबिट÷क्रेडिट कार्ड तथा मोबाइल बैंकिङ सेवामार्फत बैंकको आफ्नै पीओएस र क्यूआर कोड प्रयोग गरी सोनी ब्राभियाका उल्लेखित मोडलहरूका टेलिभिजन खरिद गर्दा प्रत्येक खरिदमा १० प्रतिशत वा अधिकतम २ हजार रुपैयाँसम्म छुट दिइएको छ ।’

उनका अनुसार यो योजना १२ फागुन २०७६ देखि २९ फागुनसम्म मात्र लागू गरिएको छ । यस बैंकले कार्ड तथा मोबाइल बैंकिङबाट गरिने विद्युतीय भुक्तानीलाई प्रवर्द्धन गर्दै आइरहेको छ । जसअनुसार बैंकको डेबिट÷क्रेडिट कार्ड तथा मोबाइल बैंकिङ सेवाग्राहीहरूले यस बैंकको कार्ड तथा मोबाइल बैंकिङका माध्यमहरूबाट विभिन्न सामान तथा सेवा खरिद गर्दा देशभर २ हजार २ सयवटाभन्दा बढी मर्चेन्टहरूबाट आकर्षक छुट प्राप्त गर्न सकिने बैंकले बताएको छ ।

बैंकका अनुसार उक्त छुट देशभर रहेका विभिन्न ख्यातिप्राप्त अस्पतालहरू, होटल, रिसोर्ट, रेस्टुराँ तथा विभिन्न सेवा तथा सामान विक्री गर्ने स्थानहरू सजिलै प्राप्त गर्न सकिनेछ । विद्युतीय भुक्तानीलाई थप सरल बनाउनुका साथै यसको पहुँच विस्तार गर्न बैंकले हालसम्म देशका विभिन्न ३ हजार ७ सयभन्दा बढी स्थानबाट पीओएस तथा १२ हजारभन्दा बढी स्थानबाट क्यूआर कोड सेवा प्रदान गर्दै आइरहेको छ ।

एनआईसी एशिया बैंक हाल देशभर रहेका ३ सय १९ शाखा कार्यालयहरू, ४ सय ४६ वटा एटीएम, १ सय ३ वटा एक्स्टेन्सन काउण्टर एवं ५२ वटा शाखारहित बैंकिङ सेवामार्फत उच्चस्तरीय बैंकिङ्ग सेवा प्रदान गर्दै आइरहेको छ ।

सबैभन्दा ठूलो शाखा सञ्जाल भएको यस बैंकका करिब २१ लाख ग्राहक संख्या पुगिसकेको छ । गत आवमा यस बैंकले करिब ३ अर्ब १५ करोड रुपैयाँभन्दा बढी राजस्व नेपाल सरकारलाई भुक्तानी गरिसकेको छ ।

प्रकाशित मिति: सोमबार, फागुन १२, २०७६ १६:०५