एनएमबी बैंकद्वारा ‘प्रोजेक्ट स्वरोजगार कार्यक्रम’का लागि आवेदन आह्वान, कसरी हुने सहभागी ?

एनएमबी बैंकद्वारा ‘प्रोजेक्ट स्वरोजगार कार्यक्रम’का लागि आवेदन आह्वान, कसरी हुने सहभागी ?

A+ A A-

एनएमबी बैंकले सिरहामा ‘प्रोजेक्ट स्वरोजगार’ कार्यक्रम सञ्चालन गर्नका लागि आवेदन आह्वान गरेको छ । बैंकले आफ्नै डिजाइन र व्यवस्थापन र ग्लोकल प्रा.लि.को साझेदारीमा उक्त परियोजना सञ्चालन गर्न लागेको हो ।

बैंकले दिगो विकासका लागि दीर्घकालीन उद्देश्यका साथ अवसरहरुको सिर्जना तथा प्रवर्द्धन गर्न उक्त कार्यक्रम सञ्चालनमा ल्याउन लागिएको जानकारी दिएको छ ।

आगामी ५ चैतदेखि ८ सम्म ४ दिन सञ्चालन गरिने उक्त कार्यक्रम बैंकले आफ्नो सामाजिक उत्तरदायित्व अन्तर्गत ल्याइएको बताएको छ । बैंकले यस कार्यक्रमले नवीनतम तथा अनुभवी उद्यमीहरूको सीप, मनस्थिति तथा क्षमता विकास गर्न सहयोग पुग्ने विश्वास लिएको छ ।

बैंकका अनुसार यो परियोजनाअन्तर्गत सिरहाका ५० जना युवायुवतीलाई प्रशिक्षण प्रदान गरिन्छ । यसले उनीहरूको उद्यमशीलता र क्षमता विकास गर्न मद्दत गर्दछ । तालिमका लागि उद्यमी संलग्नता, रुचि र विचारका आधारमा काम गर्ने क्षमतालाई मध्यनजर गरी सहभागीको छनोट गरिनेछ ।

निःशुल्क रुपमा ५० जनालाई प्रदान गरिने सो तालिमका लागि इच्छुक आवेदकहरूले फाराम भरी स्थानीय एनएमबी बैंक शाखामा र अन्य सरोकारवालाको कार्यालयमा पेस गर्न सक्नेछन् । कार्यक्रममा सहभागी हुनका लागि आवेदन यही २७ फागुनसम्ममा फाराम भर्न सकिने बैंकले जनाएको छ ।

बैंकका अनुसार सो कार्यक्रममा सहभागी हुन १८ वर्ष पूरा भई ४० वर्ष ननाघेको हुनुपर्ने, सिरहा जिल्ला निवासी हुनुपर्ने, सहभागी उत्कृष्ट तथा फरक व्यावसायिक दृष्टिकोणसहित प्रस्तुत हुनुपर्ने वा क्षमता विकास गर्न सकिने सम्भावना भएको व्यवसायमा आवद्ध भएको हुनुपर्नेछ । त्यस्तै, सहभागी ५ चैतदेखि ८ सम्म कार्यक्रमका लागि दिनभर उपलब्ध हुनुपर्नेछ ।

प्रकाशित मिति: बिहीबार, फागुन ८, २०७६ १९:२२