‘वाइल्ड स्टोन फेस अफ नेपाल– किङ’ को उपाधि अमृत र मनीषालाई

A+ A A-

वाइल्ड स्टोन फेस अफ द कलेज (एफओटीसी), सिजन– ३ को ग्राण्ड फिनाले राउण्ड काठमाडौंको ठमेलस्थित छाया सेन्टरमा हालै सम्पन्न भएको छ ।

ग्राण्ड फिनालेमा ‘वाइल्ड स्टोन फेस अफ नेपाल– किङ’ को उपाधि छात्रतर्फ जुविलियन्ट कलेजका अमृत तामाङले हात पार्न सफल भएका छन् । विजेता तामाङले ५० हजार रुपैयाँ नगद पुरस्कार पाएका छन् ।

त्यस्तै, आइडल कलेजका गौतम शेर्पा २५ हजार नगद पुरस्कारसहित फस्ट रनरअप बने भने काठमाण्डु बर्नहार्ट कलेजका सशांक पाण्डेले सेकेन्ड रनरअपको उपाधि जितेर १० हजार नगद पुरस्कार हात पारे ।

त्यसैगरी, छात्रातर्फ ‘सेक्रेट टेम्प्टेसन फेस अफ नेपाल– क्विन’ को उपाधि अरनिको कलेजकी मनीषा लामाले हात पार्न सफल भएकी छन् । ‘सेक्रेट टेम्प्टेसन फेस अफ नेपाल– अल्टिमेट क्विन’ र मिस कन्फिडेन्टको टाइटलसमेत पाएकी उनले ५० हजार रुपैयाँ नगद पुरस्कार पाएकी छन् ।

त्यस्तै, कलेज अफ सेन्ट्रल स्टेटकी छात्रा मोनिका मगरले मिस पपुलरको उपाधिका साथ फस्ट रनर अप बन्न सफल भई २५ हजार रुपैयाँ नगद पुरस्कार पाउन सफल बनेकी छन् ।

त्यस्तै, लुम्बिनी कलेजकी पेमा लामा दोङले सेकेन्ड रनरअपको उपाधि हात पार्न सफल भई १० हजार रुपैयाँ नगद पुरस्कार पाइन् । उनले मिस वाकको उपाधिसमेत हात पारिन् ।

वाइल्ड स्टोन फेस अफ द कलेजका अघिल्ला दुई सिजन (२०१७ र २०१८) सम्पन्न भइसकेका छन् । वाइल्ड स्टोन फेस अफ द कलेजको यस सिजनमार्फत ५० उत्कृष्ट कलेजका विद्यार्थीहरूबीच लुकेर बसेको प्रतिभालाई प्रस्फुटन गराउँदै १० पुरुष र १० महिला छनोट गरी ग्राण्ड फिनाले राउण्डबाट ‘वाइल्ड स्टोन फेस अफ नेपाल– किङ’ र ‘सेक्रेट टेम्प्टेसन फेस अफ नेपाल– क्विन’ छनोट गरिएको आयोजकले बताए ।

टाइम्स एफएम ९०.६ को आयोजना, म्याक एनआरओई कन्जमर प्रोडक्ट्स प्रालि इन्डियाका दुई चर्चित ब्रान्डहरु सेक्रेट टेप्टेसनर र वाइल्ड स्टोनको प्रायोजन तथा एड मिशन इन्टरनेसलन प्रालि नेपालको व्यवस्थापनमा सो कार्यक्रम सम्पन्न भएको हो ।

कार्यक्रमको निर्णायक मण्डलमा वरिष्ठ गायिका तथा ललितकला कलेजका एशोसियट प्राध्यापक संगीता राना प्रधान र नृत्य निर्देशक तथा नृत्य निर्देशक संघका अध्यक्ष भुवन श्रेष्ठलगायत रहेका थिए ।

कार्यक्रममा प्रस्तुत प्रतिभा र सहभागीहरूलाई सोसियल मिडियाबाट प्राप्त भोटलाई आधार मानेर अन्तिम निर्णय सुनाइएको आयोजकले दाबी गरे । उरुशा जोशीको कोरियोेग्राफी संयोजनमा सम्पन्न उक्त प्रतियोगितामा सांगीतिक समूह भर्स ब्याण्डको सांगीतिक प्रस्तुतिले छुट्टै रौनकता थपेको थियो ।