कर्जा प्रवाह ५ वर्षदेखि सुस्त, ६ महिनामा ६.२ प्रतिशतले वृद्धि

A+ A A-

चालू आर्थिक वर्ष (आव) २०७६/७७ को माग अन्तिमसम्म कर्जा प्रवाहमा बैंकहरू सुस्त देखिएका छन् । गत आवको सोही अवधिमा ११.४ प्रतिशतले कर्जा विस्तार गरेका बैंकहरूले चालू आवमा ६.२ प्रशितले मात्र कर्जा लगानी बढाएका छन् ।

चालू आवमा बैंकहरूले २७ खर्ब ३५ अर्ब कर्जा लगानी गरेको राष्ट्र बैंकले जनाएको छ, जसमा २८ वटा वाणिज्य बैंकहरूले मात्रै २ खर्ब ३३ अर्ब कर्जा विस्तार गरेका छन् ।

पछिल्लो ५ वर्षको तथ्यांक हेर्ने हो, भने कर्जा प्रवाहको अवस्था उतारचढावपूर्ण देखिन्छ । तुलनात्मक रूपमा चालू आवको कर्जा प्रवाहको रेसियो भने अन्य वर्षहरूको तुलनामा निकै नै कम छ ।

गत वर्षको तुलनामा चालू आवको सोही अवधिमा ४ प्रतिशतले घटेको कर्जा प्रवाहको प्रमुख कारण भने राष्ट्र बैंकको नीति नै भएको बैंकरहरू बताउँछन् ।

कस्तो छ विगत ६ आवमा कर्जाप्रवाहको अवस्था ?

आर्थिक वर्ष कर्जा प्रवाह (प्रतिशतमा)
२०७१/०७२ १९.४ प्रतिशत
२०७२/०७३ २३.२ प्रतिशत
२०७३/०७४ १८ प्रतिशत
२०७४/०७५ २२.३ प्रतिशत
२०७५/७६ १९.१ प्रतिशत
२०७६/७७ को हाल सम्म ६.२ प्रतिशत

पछिल्लो पाँच वर्षको तथ्यांकलाई हेर्ने हो भने कर्जा प्रवाह संकुचित हुँदै गएको देखिन्छ । आव २०७२/०७३ मा बढेको कर्जा प्रवाह त्यसपश्चातका वर्षहरूमा भने निरन्तर खस्कँदो छ ।

त्यसो त चालू आवको ६ महिनाको विवरण हेर्दा कर्जा मात्र नभएर पछिल्लो समय बैंकहरूको निक्षेपसमेत घट्दै गएको पाइएको छ । यसरी दुवैमा सुस्तता देखिनुको प्रमुख कारण भने मुलुकको वित्तीय अवस्था चलायमान नुहुनु नै हो भन्ने बुझिन्छ ।

विगत ५ वर्षमा बैंकहरूको निक्षेप संकलनको अवस्था हेर्दा क्रमशः घट्दै गएको छ । आव २०७१/७२ मा २०.१ प्रतिशतले वृद्धि भएको निक्षेप संकलन क्रमशः खस्कँदै गएको छ । त्यसैगरी, क्रमशः २०७२/०७३ मा १९.४ प्रतिशत, २०७३/०७४ मा १४ प्रतिशत, २०७४/०७५ मा १९.२ प्रतिशत, २०७५/७६ मा १८ प्रतिशत र चालू आव २०७६/७७ को ६ महिनामा निक्षेप ४ प्रतिशतले खस्कँदै गएको पाइएको छ ।

प्रकाशित मिति: आइतबार, फागुन ४, २०७६ १८:११