राष्ट्रिय निबन्ध लेखन प्रतियोगितामा नस्वा जोशी प्रथम

A+ A A-

पाँचौँ संस्करणको राष्ट्रिय निबन्ध लेखन प्रतियोगिता २०७६ मा नस्वा जोशी प्रथम भएकी छन् ।

काठमाडौं मोडेल सेकेण्डरी स्कुल, बालकुमारी ललितपुरद्वारा आयोजित प्रतियोगितामा पाठशाला नेपाल फाउण्डेसनकी नस्वा जोशी प्रथम भएकी हुन् । उनले २० हजार रुपैयाँ सहित प्रमाणपत्र प्राप्त गरिन् ।

यस्तै, सिद्धार्थ वनस्थली स्कुलका स्पन्दन बोहोरा द्वितीय, ज्ञान निकेतन स्कुलकी करिश्मा थापाले तृतीय भएका छन् । उनीहरूले क्रमश १२ हजार र ८ हजार रुपैयाँका साथै प्रमाणपत्र प्राप्त गरे ।

यसैगरी, केएमसी स्कुलकी ईराशु कार्की, बीडीएस स्कुलकी एइभा आचार्य, अवयर्नेश इन्टरनेशनल एकेडेमीकी भावना अर्याल, ब्लु बर्ड सेकेण्डरी स्कुलका फिरोज आफ्रिन र काठमाडौं जेभियर स्कुलका स्वच्छन्द अधिकारीले प्रतियोगितामा सान्त्वना स्थान हासिल गरे ।

विद्यालय तहका कक्षा ८, ९ र १० का विद्यार्थीहरूलाई लक्षित गरी आयोजना गरिएको कार्यक्रममा काठमाडौं, भक्तपुर र ललितपुर जिल्लाका ३० वटा विद्यालयका ८५ जना विद्यार्थीहरू प्रतियोगितामा सहभागी भएका थिए ।

कार्यक्रमका प्रमुख अतिथि प्याब्सन केन्द्रीय समितिका सहअध्यक्ष डी के ढुङ्गानाले बौद्धिक कार्यक्रमहरूले विद्यार्थीका आन्तरिक प्रतिभा प्रष्फुटित गर्न मद्दत पुग्ने बताउँदै विद्यार्थीहरूले समयको महत्त्वलाई बुझेर कार्यसम्पादन गर्न सके कहिल्यै असफल हुनु नपर्ने बताए ।

केएमसी नेटवर्कका निर्देशक किशोर गौतमले स्वागत गरेकाे कार्यक्रममा त्रिभुवन विश्वविद्यालयका प्राध्यापक डा.रमेश भट्टराईले निबन्ध लेखनका बारे अभिमुखीकरण गरेका थिए ।

विद्यालयका प्राचार्य सुरेन्द्र सुवेदीको अध्यक्षतामा भएको कार्यक्रमको संचालन उपप्राध्यापक प्रकाश तिवारीले गरेका थिए ।

सुखी नेपाली:समृद्ध नेपाल, सामाजिक सञ्जाल र यसको प्रभाव, नेपाल भ्रमण वर्ष २०२० र राष्ट्रप्रति मेरो कर्तव्य शीर्षकमध्ये गोलाप्रथाद्वारा छानिएका शीर्षकमा प्रतियोगीहरूले निबन्ध लेखेका थिए ।

२०७२ सालदेखि प्रतियोगिताको हुँदै आएको छ ।

प्रकाशित मिति: शुक्रबार, फागुन २, २०७६ ११:०२