ललितपुरकाे अदालत परिसरमा एनआईसी एशियाकाे विस्तारित काउण्टर

A+ A A-

एनआईसी एशिया बैंकले ललितपुरमा आफ्नो विस्तारित काउण्टरको उद्घाटन गरेको छ । बैंकल आज ललितपुर जिल्ला अदालत परिसरमा १०९औं विस्तारित बैंकिङ सेवा सञ्चालनमा ल्याएको हो । सो विस्तारित बैंकिङ सेवाको उद्घाटन ललितपुर जिल्ला अदालतका माननीय मुख्य न्यायाधीश महेन्द्रबहादुर कार्की गरेका हुन् ।

कार्यक्रममा बैंकका नायव प्रमुख कार्यकारी अधिकृत सुधीरनाथ पाण्डेले अदालत परिसरमा विस्तारित काउण्टर सञ्चालनमा आएसँगै अदालतमा आउनुहुने सेवाग्राहीलाई अदालती शुल्कका साथै दस्तुर बुझाउन र आवश्यक पर्ने रकम व्यवस्थापनका लागि सहज हुने बताए । उनले बैंकिङ सेवा देशका हरेक कुनाकन्दरामा पुर्‍याउने बैंकको अथक यात्रा जारी रहेको जानकारी पनि गराए ।

कार्यक्रममा ललितपुर जिल्ला अदालतका माननीय न्यायाधीश एवं पदाधिकारीहरू, बैंकका उच्चपदस्थ पदाधिकारीहरूको उपस्थिती थियो ।

हाल यस बैंकले मुलुकभर ३ सय १३ वटा शाखा कार्यालयहरू, ४ सय ४२ वटा एटीएम, १ सय ९ वटा एक्स्टेन्सन काउण्टर एवं ५२ वटा शाखारहित बैंकिङ सेवामार्फत उच्चस्तरीय बैंकिङ सेवा प्रदान गरिरहेको छ । करिब २१ लाख ग्राहक रहेको यस बैंकका प्रमुख वित्तीय परिसूचकहरू अत्यन्त उत्साहप्रद रहेका छन् ।

यस बैंकले गत आर्थिक वर्षमा प्रत्यक्ष र अप्रत्यक्ष गरी करिब ३ अर्ब १५ करोड रुपैयाँभन्दा बढी राजस्व नेपाल सरकारलाई भुक्तानी गरिसकेको छ भने वित्तीय समावेशीकरणका लागि मुगु, कालिकोट, बझाङ, रुकुम, जुम्ला, सल्यान जस्ता बैंक तथा वित्तीय संस्थाहरुको उपस्थिति न्यून रहेका दुर्गम जिल्लाहरूमा तथा कुनै पनि बैंक तथा वित्तीय संस्थाहरू नपुगेका ३४ भन्दा बढी स्थानीय निकायमा शाखा विस्तार गरिसकेको छ ।