नेप्सेमा दोहोरो अङ्कको वृद्धि

A+ A A-

धितोपत्र बजारमा सेयर कारोबार मापक नेप्से परिसूचक दोहोरो अङ्कले बढेको छ ।

नेपाल स्टक एक्सचेन्जका अनुसार नेप्से १७.११ विन्दुले बढेर आज एक हजार ३४१.३८ मा पुगेको छ । यस्तै सेन्सेटिभ परिसूचक ३.७५ ले बढेर २८५.३७ मा पुगेको छ ।

नेप्से उकालो लाग्दा त्यसको प्रभाव कारोवार रकममा समेत परेको छ । कुल १ सय ७५ कम्पनीको ३९ लाख ९६ हजार ८ सय ७७ कित्ता सेयर १ अर्ब ५३ करोड २२ लाख ५० हजार ४ सय ४० रुपैयाँ मूल्यमा खरिद बिक्री भए ।

नेप्सेका अनुसार कारोबार भएका कूल १२ उपसमूहमध्ये आज व्यापार उपसमूहको मात्रै सेयर ओरालो लागेको छ ।

सो उपसमूह १०.६७ ले घट्दा बैंकिङ १४.४८, होटल १.५६, विकास बैंक १८.६४, जलविद्युत् ९.८९, वित्त २.९१, निर्जीवन बीमा ९३.४७, उत्पादन २०.२६, अन्य ६.३९, लघुवित्त ७०.२२, जीवन बीमा ५३.२६ र सामूहिक लगानी कोष ०.१६ ले बढेको छ ।

कारोबारका आधारमा आज शिवम् सिमेन्ट शीर्ष स्थानमा रहेको छ । सो कम्पनीको १५ करोड २ लाख १२ हजार ४५ रुपैयाँ मूल्य बराबरको सेयर कारोबार भई शीर्ष स्थानमा रहे ।

यस्तै, एनआइसी एशिया बैंक ११ करोड २३ लाख २० हजार ३ सय २, सिभिल बैंक ८ करोड ३४ लाख १० हजार २ सय १८ रुपैयाँ, छिमेक लघुवित्त विकास बैंक ५ करोड ३३ लाख ५० हजार ८ सय ३४ रुपैयाँ, नागरिक लगानी कोष ५ करोड २२ लाख ८२ हजार ९ सय २६ रुपैयाँ र स्वरोजगार लघुवित्त विकास बैंकको ३ करोड ४९ लाख २२ हजार ६ सय ६४ रुपैयाँ बराबरको कारोबार भई शीर्ष स्थानमा रहे ।

नेप्सेका अनुसार कालिका पावर १०, नेपाल सेवा लघुवित्त वित्तीय संस्था ९.८३, नेपाल हाइड्रो डेभलपमेन्ट ७.५०, लक्ष्मी लघुवित्त वित्तीय संस्था ६.३४, स्वरोजगार लघुवित्त विकास बैंक ६.१८ र दिव्यश्वरी हाइड्रोपावर का लगानीकर्ताले ५.८८ प्रतिशतले कमाए ।

त्यस्तै, युनियन हाइड्रोपावर ५.०८, सेन्ट्रल फाइनान्स ४.०८, रिलायन्स फाइनान्स ३.३५, साल्ट ट्रेडिङ कर्पोरेसन २.०५, बोटलर्स नेपाल तराई १.९९ र रैराङ हाइड्रोपावरका सेयरधनीले १.९२ प्रतिशतले गुमाए । रासस

प्रकाशित मिति: मंगलबार, माघ २८, २०७६ १६:०३