राप्तीकाे बाढीबाट ३ सय गाउँ जाेगाउन ७६ करोडको तटबन्ध निर्माण हुँदै

A+ A A-

राप्ती नदीमा बर्सेनि आउने बाढीका कारण नेपालसहित भारत उत्तरप्रदेशका ३ सय गाउँमा ठूला धनजनको क्षति हुँदै आएको छ । वर्षात् लाग्नेबित्तिकै राप्ती नदी किनारमा अवस्थित नेपाल तथा भारतका नागरिक शान्तिसँग सुत्न पाउँदैनन् । कतिबेला बाढी गाउँमा बसेर घरखेत बगाउने हो भन्ने पिरलोमै पूरै बर्खा काट्छन् ।

वर्षौंदेखि यहाँ नदी नियन्त्रणका लागि तटबन्ध लगाउँदै आए पनि चुरे दोहनका कारण बाढीले बर्सेनि कटानको क्षेत्र दोब्बर बढाउँदै आएको छ । नेपालसहित भारतको बलरामपुरसम्मका ३ सय गाउँलाई राप्तीको कहरबाट बचाउन दुवैतर्फको किनारमा तटबन्ध बनाउने ठूलो परियोजना सुरु गर्न लागिएको छ । बाढीको कहरबाट बच्न उत्तरप्रदेश सरकार र नेपाल सरकारको संयुक्त प्रयासमा तटबन्ध बनाउने सहमति भएको छ ।

जसका लागि नेपालतर्फ ५३ करोड ६३ लाख र उत्तरप्रदेशको बलरामपुर क्षेत्रमा २२ करोड ६६ लाख रुपैयाँ बराबरको लागत अनुमान गरिएको छ । तटबन्ध निर्माणका लागि मार्च अन्तिमबाट काम सुरु हुने बताइएको छ । नेपाल र यूपी सरकारबीचको सम्बन्ध बढाउन पाँच ठूला परियोजना सुरु गरिएको जनाइएको छ ।

भारततर्फ कहाँ-कहाँ खर्च हुनेछ बजेट ?

६ करोड ०२ लाख राप्ती नदीको बायाँ चरनगहिया तटबन्ध मर्मत
८ करोड १८ लाख साहिबानगरमा कटान नियन्त्रणका लागि
४ करोड ८७ लाख राप्ती नदीको बायाँ इमिलिया खादर तटबन्ध निर्माणमा
२ करोड ४३ लाख मलमलिया गाउँ नजिक बलरामपुर–भंडारिया तटबन्ध निर्माणमा
२ करोड १४ लाख रामपुर गाउँ नजिकको क्षतिग्रस्त तटबन्ध निर्माणमा

नेपालतर्फ कहाँ-कति खर्च हुनेछ ?

५ करोड ५३ लाख नवलपरासीको बुढी गंगकी नदीको दायाँतर्फ तटबन्ध निर्माणमा
१ करोड ३० लाख ए–ग्याप तटबन्धको अपस्ट्रीममा स्पिल बन्द गराउन
१ करोड ३९ लाख रुपैयाँ स्पर संख्या–०६ को अगाडि परक्यूपाइन लगाउनमा
७ करोड ९० लाख रुपैयाँ बी–ग्यापको स्पर संख्या–०६ देखि ०७ बीच क्रेटिंङ निर्माणमा
६ करोड ९ लाख स्पर संख्या–०८–०९ सम्म एजक्रेटिंङ निर्माण, कटर–२ विस्तारमा
३ करोड १४ लाख स्पर संख्या–०९ को लंचिङ एप्रनको पुनस्थापना र परक्यूपाइन निर्माणमा
३ करोड ७५ लाख स्पर संख्या–१२–ए को लंचिङ एप्रनको पुनःस्थापनामा
२ करोड ७४ लाख स्टड संख्या–०१ अपस्ट्रीममा कटर निर्माणमा
८ करोड ५३ लाख स्टड संख्या–०४ तथा ०५ निर्माणमा
८ करोड ७७ लाख स्पर संख्या–०४ मा लंचिङ एप्रनको पुनःस्थापनामा
र ३ करोड ३३ लाख नेपालतर्फको बाँधको स्पर संख्या ५ को अपस्ट्रीम निर्माणमा

प्रकाशित मिति: आइतबार, माघ २६, २०७६ ०९:४३