पुँजी बजारमा उत्साह, परिसुचक र कारोबार दुबै उल्लेख्य बढ्यो

A+ A A-

लामो समयपछि पुँजी बजारमा उत्साह देखिएको छ । साताको तेस्रो दिन (मंगलबार) नेप्से परिसुचक २० अंकले बढेको छ ।

नेपाल स्टक एक्सचेन्ज (नेप्से) ले दिएको जानकारी अनुसार मंगलबार परिसुचक २०.३३ अंकले बढेर ११६३.२६ अंकमा पुगेको छ । सो दिन ५२ करोड ७७ लाख ३५ हजार रुपैयाँ बराबरको सेयर कारोबार भएको छ ।

नेप्सेका अनुसार मंगलबार १७६ कम्नपीका १९ लाख ५४ हजार कित्ता सेयर कारोबार भएको छ । सो दिन सबै समुहको सुचक बढेका छन् ।

मंगलबार बैंकिङ समुहको सुचक २२.२८, ट्रेडिङ समुहको सुचक ५.५२, होटल समुहको सुचक २२.९४ र विकास बैंक समुहको सुचक १८.७६ अंकले बढेका छन् ।

यस्ते जलविद्युत समुहको सुचक ३२.१२, फाइनान्स समुहको सुचक ५.२१, निर्जीबन बीमा समुहको सुचक २९.९२, उत्पादन समुहको सुचक ३२.२९, अन्य समुहको सुचक ७.६८, माइक्रो फाइनान्स समुहको सुचक ९.९३ र जीबन बीमा समुहको सुचक ७७.१७ अंकले बढेका छन् ।

नेप्सेका अनुसार मंगलबार एनसीसी बैंकको १ लाख ४४ हजार, माछापुच्छ्रे बैंकको १ लाख ४३ हजार, प्रभु बैंकको १ लाख १९ हजार, माथिल्लो तामाकोशी जलविद्युत आयोजनाको ९७ हजार र नेसनल हाइड्रोपावर कम्पनीको ८८ हजार कित्ता सेयर खरिदविक्री भए ।

बढेको बजारमा सबैभन्दा बढी फाइदा सिनर्जी पावर डेभलपमेन्ट कम्पनीका लगानीकर्ताले १० प्रतिशत, सपोर्ट माइक्रोफाइनान्स कम्पनीका लगानीकर्ताले ९.८७ प्रतिशत, हिमालयन पावर पार्टनरका लगानीकर्ताले ९.५५ प्रतिशत र कालिका पावर कम्पनीका लगानीकर्ताले ८.७९ प्रतिशतले कमाएका छन् ।

बजार बढेको र कारोबार रकम पनि लामो समयपछि उच्च भएपनि सिटिजन्स म्युचुअल फण्ड १ का लगानीकर्ताले १.९२ प्रतिशत, सगरमाथा इन्स्योरेन्स कम्पनीका लगानीकर्ताले १.५ प्रतिशत, निर्धन उत्थान लघुवित्त वित्तीय संस्थाका लगानीकर्ताले १.३ प्रतिशत र आँखुखोला जलविद्युत कम्पनीका लगानीकर्ताले १.२ प्रतिशतले गुमाएका छन् ।

प्रकाशित मिति: बुधबार, फागुन २९, २०७५ ०१:३३