स्टारडमको परीक्षा : प्रदीप र स्वस्तिमाको भिडन्तमा सौगात

A+ A A-

अभिनेत्री स्वस्तिमा खड्का ‘चपली हाइट ३’ बाट यस वर्षको बिदाई सुखद बनाउन चाहन्छिन् । उनलाई आफ्नो स्टारडम कायम राख्न ‘चपली हाइट ३’ फिल्म चल्नै पर्छ अन्यथा उनको स्टारडममा घक्का लाग्नेछ ।

स्वस्तिमाले चलचित्र ‘बुलबुल’बाट केही उत्कृष्ट अवार्ड हात पारिन् । गत असारमा श्रीलङ्काको कोलम्बोमा सम्पन्न ‘सार्क फिल्म फेस्टिवल’मा स्वस्तिमाले ‘बुलबुल’बाट ‘स्पेसल जुरी अवार्ड–पर्फमेन्स’ अवार्ड जितिन् । उनले राष्ट्रपति निवासमा सम्पन्न राष्ट्रिय चलचित्र पुरस्कारमा उत्कृष्ट नायिका अवार्ड– २०७५ जितिन् । त्यसपछि स्वस्तिमाको नेपाली फिल्ममा रवाफ बढ्न थाल्यो ।

‘बुलबुल’बाट स्वस्तिमाको अभिनयको राम्रो तारिफ भयो । धेरै दर्शक, निर्देशक तथा निर्र्माताको नजर उनीमा पर्न थालिन् । पछिल्लो पटक प्रदर्शनमा आयो, ‘घामड शेरे ।’ उक्त फिल्मबाट धेरैको अपेक्षा थियो, स्वस्तिमाले राम्रो सफलता हात पार्लिन् तर नतिजा विपरीत आयो ।

उक्त फिल्म बक्स अफिसमा असफल ठहरियो । त्यसपछि भने उनको स्टारडममा केही नकारात्मक असर पर्‍यो । अब उनको ‘चपली हाइट ३’ चलेन भने उनको स्टारडममा ठूलो असर पर्नेछ भने उनका फिल्म लगातार असफलको सूचीमा पर्नेछन् । त्यसका लागि उनको यो फिल्म चल्नै पर्ने हुन्छ ।

तर, त्यसका लागि स्वस्तिमालाई धेरै कठिन हुनेछ । किनभने सही मितिमा लगातार सफल भएको ‘प्रेमगीत’ सिरिजको ‘प्रेमगीत ३’ सँगै सौगात मल्लको ‘माइकल अधिकारी’ पनि प्रदर्शनमा आउँदै छ ।

अभिनेता प्रदीप खड्कालाई पनि स्टारडम कायम राख्न आगामी २८ चैतमा प्रदर्शनमा आउन लागेको ‘प्रेमगीत ३’ चल्नै पर्छ । अन्यथा उनका लगातार ३ वटा फिल्म असफल हुनेछन् । उनका यसभन्दा पहिला ‘लिलिबिली’ र ‘लभ स्टेसन’ लगातार असफल भइसकेका छन् । त्यस कारण यो फिल्म चल्नै पर्ने हुन्छ ।

त्यसका लागि भने प्रदीपले धेरै सङ्घर्ष गर्नुपर्ने हुन्छ किनभने उनीसँग स्वस्तिमा र सौगात मल्ल पनि प्रदर्शनमा आउँदै छन् । सौगात मल्ल दर्शकको मनमा धेरै छाइसकेका अभिनेता हुन् । त्यस कारण पनि उनको फिल्म कमजोर अवश्य बन्नेछैन ।

तर, सौगात मल्लका फिल्म पनि ‘लुट २’ पछि बक्स अफिसमा असफल भएका छन् । त्यसैले पनि यो फिल्म उनले राम्रो गर्ने तयारीमा छन् ।

त्यसैले स्टारडम कायम राख्न स्वस्तिमा खड्का र प्रदीप खड्कासँगै सौगात मल्ललाई निकै कठिन देखिन्छ । यसरी एकै दिन ३ वटा फिल्म आउँदा सबै दर्शकले सबै फिल्म त अवश्य पनि हेर्नेछैनन् । त्यसमा पनि नेपाली फिल्म क्षेत्रमा बलिउड र हलिउडको प्रभाव पनि राम्रै रहन्छ ।

‘प्रेमगीत ३’ को ७० दिनमा सुटिङ सकिएको छ । स्वस्तिमा खड्काको अभिनय रहेको ‘चपली हाइट ३’ को केही हप्ता पहिल्यै सुटिङ सकिएको छ । माइकल अधिकारीको अहिले सुटिङ चलिरहेको छ ।

प्रकाशित मिति: आइतबार, माघ १९, २०७६ १६:३४