विप्लव नेतृत्वको नेकपाका नेता माइला लामालाई थुनामुक्त गर्न आदेश

A+ A A-

उच्च अदालत पाटनले एनसेल टावर विष्फोट अभियोगमा थुनामा रहेका नेत्रविक्रम चन्द (विप्लव) नेतृत्वको नेपाल कम्युनिस्ट पार्टीका सचिवालय सदस्य माइला लामा, धिरेन्द्र उपाध्याय र नविन विश्वकर्मा लाई थुनामुक्त गर्न आदेश दिएको छ ।

एनसेल र यसका विभिन्न टावरमा विष्फोट र आगजनीको अभियोगमा पक्राउ परेका उनीहरुलाई जिल्ला अदालत ललितपुरले पुर्पक्षका लागि थुनामा पठाउने आदेश दिएको थियो ।

जिल्ला अदालतको आदेशविरुद्ध उनीहरले १७ नम्वर निवेदन (थुनामुक्त गर्न मागसहितको निवेदन) दर्ता गराएका थिए ।

सो निवेदनको सुनवाईपछि तीनैजनालाई थुनामुक्त गर्न उच्च अदालत पाटनले बिहीबार आदेश दिएको हो ।

उनीहरुलाई ललितपुरस्थित नख्खु जेलमा राखिएको छ ।

माइला सो पार्टीका उपत्यका इन्चार्ज हुन भने नविन विश्वकर्मा पूर्व स्थानिय विकास सहायक मन्त्री हुन् ।

उच्च अदालतका मुख्य न्यायाधीश नहकुल सुवेदी र न्यायाधीश श्रीकान्त पौडेलको इजलाशको सो आदेशलगत्तै उनीहरु आज छुट्नेछन् । तर प्रहरीले भने अन्य मुद्धा रहकेो देखिए पुनः पक्राउ गर्ने जनाएको छ ।

एनसेलको मुख्यालयमा २०७५ माफुन १० गते विस्फोट भएको थियो । उक्त घटनामा दोषी ठहर गर्दै प्रहरीले विप्लव नेतृत्वको नेकपाका मध्य केन्द्रीय कमाण्ड इन्चार्ज समेत रहेका नेता हेमन्तप्रकाश ओलीसहितका नेता पक्राउ गरेको थियो ।

एनसेलमा भएको विस्फोट र हातहतियार मुद्दामा ललितपुर जिल्ला अदालतले पुर्पक्षाको लागि बैशाख ९ गते नख्खु कारागार चलान गरेको थियो । त्यसैगरी सूर्य भुजेल, दोर्जी शेर्पा, डिकेन्द्र राई, शिव धिमाल र बुद्ध बहादुर सिंतानको विस्फोटक पदार्थ सम्बन्धी मुद्दा पनि उच्च अदालतले सदर गरेको छ ।

ललितपुर जिल्ला अदालतको आदेश बदर गरिपाउँ भन्दै परेको रिट निवेदक तर्फबाट वरिष्ठ अधिबक्ता एकराज भण्डारी, अधिबक्ताहरु कपिलचनद्र पोखरेल, सन्तोष कोइराला, कान्तिराम ढुंगाना, रामकृष्ण भण्डारी, खिमानन्द अधिकारीले बहस गरेका थिए ।

प्रकाशित मिति: शुक्रबार, माघ १७, २०७६ ०९:०७