सेयर बजारमा नयाँ इतिहास : कारोबार रकम उच्च बिन्दुमा

A+ A A-

धितोपत्र बजारमा यस साता कारोबार रकम भने पछिल्लो डेढ वर्षको तुुलनामा उच्च बिन्दुमा पुगेको छ । साताभर सेयर बजार उतार चढावपूर्ण अवस्थामा रहे पनि कारोबार रकममा भने नयाँ इतिहास कायम गरेको छ ।

साताभर कूल १ सय ८७ कम्पनीका सेयर कारोबार भए । नेपाल स्टक एक्सचेञ्जका अनुसार नेप्से उतारचढावपूर्ण अवस्थामा रहे पनि दुई करोड ५१ लाख दुई हजार १ सय ५९ कित्ता सेयर आठ अर्ब ५४ करोड ६८ लाख ३३ हजार ४ सय ४६ रुपैयाँ मूल्यमा खरिदबिक्री भए ।

बजारले लय समातेर अगाडि बढे पनि क्रमशःनेप्से घटेर साताको अन्तिम दिनसम्म आइपुग्दा एक हजार २०० को बिन्दुमा झरेको छ । मौसमीरुपमा नाफा कमाउने लगानीकर्ता हावी हुँदा बजार उतार चढावपूर्ण अवस्थामा रहेको विश्लेषण गरिएको छ ।

नेप्सेका अनुसार साताको पहिलो दिन आइतबार नेप्से परिसूचकमा उच्च अङ्कको वृद्धि भयो । लगातार उकालो लाग्दै आएको बजारमा त्यस दिनको वृद्धिले नयाँ उचाइँ कायम गरेको थियो ।

त्यस दिन नेप्सेमा ३३ दशमलव ४३ विन्दुले वृद्धि भई एक हजार ३४३ दशमलव ६५ मा पुग्याे । प्रतिशतका आधारमा नेप्सेमा २ दशमवल ५५ वृद्धि देखिएको थियो । कूल १ सय ७८ कम्पनीका ६१ लाख ३१ हजार ४ सय १८ कित्ता सेयर दुई अर्ब नौ करोड आठ लाख ७७ हजार ९ सय १७ रुपैयाँ बराबर कारोबार भए । आइतबारको उचाइ सोमबार कायम हुन नसक्दा नेप्से परिसूचक त्यसदिन झण्डै साढे २६ अङ्कले ओरालो लाग्यो ।

नेप्से परिसूचक २६ दशमलव ५४ विन्दुले घटेर एक हजार ३ सय १७ दशमलव ११ मा पुग्याे ।

नेप्से ओरालो लागे पनि कारोबार रकम झण्डै दुई अर्ब रुपैयाँ बराबर रह्यो । कूल १ सय ८२ कम्पनीका ५८ लाख ४६ हजार २ सय ३८ कित्ता सेयर एक अर्ब ९७ करोड तीन लाख ८७ हजार ९ सय ९३ रुपैयाँ मूल्यमा खरिद–बिक्री भए ।

मङ्गलबार नेप्से परिसूचक झिनो अङ्कले वृद्धि भयो । नेप्सेमा सामान्य सुधार देखिँदै ३ दशमलव ३६ विन्दुले बढेर एक हजार ३२० दशमलव ४७ मा समेटियो । झिनो अङ्कले नेप्से उकालो लागे पनि कारोबार रकम भने करिब डेढ अर्ब नाघेको थियो । स्टकका अनुसार कूल १ सय ८३ कम्पनीको ४४ लाख ५५ हजार ५ सय ४५ कित्ता सेयर एक अर्ब ५१ करोड ९९ लाख ७६ हजार ७ सय ६० रुपैयाँमा कारोबार भयो ।

बुधबार नेप्से परिसूचक ७ दशमलव ०५ अङ्कले घटेर एक हजार ३१३ दशमलव ४२ मा पुग्याे । परिसूचक ओरालो लागे पनि कारोवार रकम भने डेढ अर्ब नाघेको थियो ।

कूल १ सय ८७ कम्पनीका ४९ लाख १४ हजार ४ सय ३७ कित्ता सेयर एक अर्ब ५८ करोड १३ लाख ८१ हजार ३ सय ६४ रुपैयाँमा खरिद बिक्री भए । साताको अन्तिम दिन बिहीबार नेप्से परिसूचक दोहोरो अङ्कले ओरालो लाग्याे । लगातार उकालो लाग्दै आएको नेप्से परिसूचक त्यसदिन झण्डै १६ अङ्कले घटेको थियो ।

नेप्से १५ दशमलव ९५ विन्दुले घटेर एक हजार २९७ दशमलव ४७ मा झर्‍याे । एक हजार ३ सय को विन्दुमाथि पुगेको बजार ओरालो यात्रासँगै एक हजार २ सयको विन्दुमा झर्‍याे । कूल १ सय ७२ कम्पनीका ३७ लाख ५४ हजार ५ सय २१ कित्ता सेयर एक अर्ब ३८ करोड ४२ लाख नौ हजार ४ सय १२ मा खरिद बिक्री भए । स्टकमा यस साता प्रभु बैंकको ऋणपत्र सूचीकृत भयो । कूल १० लाख कित्ता ऋणपत्र उक्त बैंकको सूचीकृत भएका हुन् ।

प्रकाशित मिति: शनिबार, माघ ११, २०७६ १५:४३