रियलमीफाइभ आई बजारमा, मूल्य रू. २० हजार ९ सय

A+ A A-

नेपाली बजारमा निकै छोटो समयमा आफ्नो बजार लिन सफल ब्रान्ड रियलमीले अर्को नयाँ स्मार्ट फोन बजारमा ल्याएको छ । कम्पनीले रियलमीफाइभ सिरिजको नयाँ क्वाड क्यामेरा फोन ‘रियलमीफाइभ आई’ नेपाली बजारमा सार्वजनिक गरेको हो ।

उक्त फोनमा पहिलेको भन्दा राम्रो क्यामेरा, टिकाउ ब्याट्री र सुन्दर डिजाइनमा उक्त फोन नेपाली बजारमा ल्याएको दाबी कम्पनीले गरेको छ । कम्पनीका अनुसार ‘रियलमीफाइभ आई’मा ५०००एमएच ब्याट्री, ब्याट्रीको सुरक्षा निश्चित गर्नका लागि फायरप्रुफ–प्रोटेक्टिभ–सेपेरेसन जडान गरिएको छ ।

त्यस्तै, सो फोनमा ११ एनएम उत्पादन प्रक्रियामा आधारित स्नापड्रागन ६६५ एआईई रहेको छ । यसले २.० गिगाहर्जको क्लक स्पिडमा कार्य सञ्चालन गर्न सक्छ । यसमा रहेको थर्ड जेनेरेसन क्वालकम एआईले उत्कृष्ट गेमिङ अनुभव प्रदान गर्दछ ।

यस फोनको स्लिम बडीमा नयाँ सनराइज डिजाइन प्रयोग गरिएको छ भने ब्याक कभरको ग्रेन्सहरु जर्मन फाइभ–एक्सिस प्रेसिजन रेडियम कार्भिङ मेसिनबाट गरिएको छ । एक्वा ब्ल्यू र ग्रिन कलरमा उपलब्ध यो फोनमा ११९ अल्ट्रा वाइड एङ्गल लेन्स (८ एमपी), मुख्य क्यामेरा १२ एमपी, पोट्रेट लेन्स (२ एमपी) र अल्ट्रा म्याक्रो लेन्स (२ एमपी) को क्वाड क्यामेरा जडान गरिएको छ । अल्ट्रा वाइड एङ्गल लेन्समा नाइट स्केप २.० समावेश भएकाले गर्दा राति वा अँध्यारोमा पनि वाइडर भ्यूको साथमा उत्कृष्ट तस्वीर लिन सकिने कम्पनीले बताएको छ ।

यस फोनमा प्रयोग सफ्टवेयर, कलर ओएस ६.१ ले रियल प्राइभेसी फङ्क्सन, हटस्पट म्यानेजमेन्ट, क्लिनर र सिम्पलर यूआईजस्ता थुप्रै फिचरहरु प्रदान गर्दछ । कलर ओएस ६.१ को साथमा यस फोनले डार्क मोड एक्टिभेट गर्न सक्छ, जसले गर्दा अँध्यारो स्थानमा फोन चलाउँदा आँखालाई सहज हुने गर्छ ।