अमेरिकी ब्रान्ड लिनियरफ्लक्सका हेडफोनहरू नेपाली बजारमा

A+ A A-

नेपाली बजारमा अमेरिकी ब्रान्ड लिनियरफ्लक्सका हेडफोनहरू भित्रिएका छन् । यी उत्पादनहरूलाई लिनियरफ्लक्स ब्रान्डको नेपालका लागि आधिकारिक बिक्रेता आईएमएस ग्रुपले सार्वजनिक गरेको हो ।

अन्तर्राष्ट्रिय ब्रान्ड लिनियरफ्लक्स हेडफोनको एक ब्रान्ड हो । निरन्तर दुई वर्षको अनुसन्धानपछि लन्च भएको लिनियरफ्लक्सले वायरलेस, हाइपर डिफिनिसन अडियोको अनुभव दिने कम्पनीको दाबी छ ।

कम्पनीका अनुसार लिनियरफ्लक्स लेडी गागा, डा. ड्रे, पफ ड्याड्डी, ब्ल्याक आइज पिज, फार वेस्ट मुभमेन्ट, जे चउ र अन्डर गल्र्सजस्ता सांगीतिक क्षेत्रका महान हस्तीहरूबाट परीक्षण भएपश्चात् बजारमा ल्याइएको हो ।

यसको डीएल०१इमर्सिभ ध्वनिइन्जिनको विशेषताले संगीतमा स्पष्टता आउनुका साथै बेसका लागि पनि उपयुक्त रहेको कम्पनीले बताएको छ । लिनियरफ्लक्स हाइपर सोनिक पानीप्रतिरोधी हुनुका साथै रिचार्जेबल केबुलहरू पनि आवश्यक पर्दैन । यसको विशेषता भनेको पिलो–सफ्ट इयर–टिप्स हो । यो दुई थरीका रङमा पाइने, साथै यसले बाहिरी ध्वनि कम गरी विस्त्रित ध्वनि सुन्न र बेसको आनन्द लिन मद्दत गर्ने कम्पनीको दाबी छ ।

एकचोटि चार्ज गरेपछि २० घन्टाभन्दा बढी चलाउन सकिने यी हेडफोनहरू हाललाई कम्पनीले स्मार्टडोकोमार्फत उपलब्ध गराएको छ । साथै सिटी सेन्टरमा रहेको आईएमएस ग्रुपकै लिटिल स्माइल्स शोरुम र ताम्राकार कम्प्लेक्सको चौथो तलामा रहेको आईएमएस स्मार्ट शोरुमबाट पनि पाउन सकिने कम्पनीले बताएको छ ।

आईएमएस ग्रुपका सीईओ दिकेश मलहोत्राले भने, ‘नेपालमा अर्को अन्तर्राष्ट्रिय ब्रान्ड लिनियरफ्लक्सको एक मात्र आधिकारिक वितरक बन्न हामी अत्यन्तै गौरवान्वित छौं । लिनियरफ्लक्सका उत्पादनहरू मूल्यमा सस्तो र गुणस्तरमा असाधारण गुणस्तरका रहेका छन् ।’

आईएमएस ग्रुप नेपालमा पहिलो पटक सन् १९९८ मा आधिकारिक रुपमा मोबाइल आयात गर्ने पहिलो कम्पनी हो ।

प्रकाशित मिति: मंगलबार, माघ ७, २०७६ १९:०६