नेप्सेमा भारी वृद्धि, कारोबार रकम सवा अर्बभन्दा बढी

A+ A A-

धितोपत्र बजारमा पछिल्लो एक वर्षको अवधिमा नेप्से परिसूचकमा आज सबैभन्दा बढी वृद्धि भएको छ ।

सन् २०२० को सुरुवातसँगै उकालो लागेको सेयर कारोबारमा मापक नेप्से परिसूचक ‘बुलिस ट्रेण्ड’ पछ्याउँदै करिब ४३ अंकले वृद्धि भएको छ । प्रतिशतका आधारमा आजको वृद्धि ३.५१ हो ।

नेपाल स्टक एक्सचेन्जका अनुसार नेप्से ४२.६१ विन्दुले बढेर १ हजार २५५.७२ मा पुगेर रोकिएको छ । यस्तै, सेन्सेटिभ परिसूकसमेत ८.४७ विन्दुले बढेर २७२.७३ मा पुगेको छ । बीमा समूहले ‘बुलिस ट्रेण्ड’ पछ्याउँदा कारोबार रकममा समेत उच्च अंकले वृद्धि भएको छ ।

नेप्सेका अनुसार कुल १ सय ७९ कम्पनीको ३८ लाख ३१ हजार ५४ कित्ता सेयर १ अर्ब ३३ करोड ५७ लाख ४७ हजार ९ सय ६७ रुपैयाँमा खरिदबिक्री भयो । कारोबार भएका कुल १२ उपसमूहकै सेयरमा भारी वृद्धि देखिएको छ ।

बैंकिङ २७.३, व्यापार ११.५९, होटल ७५.८४, विकास बैंक ४३.३३, जलविद्युत् ३१.०७, वित्त १३.९२, निर्जीवन बीमा ३८४.२१, उत्पादन ३४.५४, अन्य १७.९२, लघुवित्त १२२.०२, जीवन बीमा ४०९.२७ र सामूहिक लगानी कोषकाे सेयरमा ०.२४ ले वृद्धि भएको छ ।

कारोबारका आधारमा आज नेपाल लाइफ इन्स्योरेन्स कम्पनी शीर्ष स्थानमा देखिएको छ । सो कम्पनीको ५ करोड ८८ लाख १९ हजार रुपैयाँबराबरको कारोबार भयो ।

गरिमा विकास लघुवित्त वित्तीय संस्थाको ४ करोड ६३ लाख ५६ हजार ५ सय ४ रुपैयाँ, एनआईसी एशिया बैंकको ४ करोड ७ लाख ८१ हजार १ सय १० रुपैयाँ, शिवम् सिमेन्टको ३ करोड ९८ लाख २४ हजार १ सय ४९ रुपैयाँ, डिप्रोक्स लघुवित्त वित्तीय संस्थाको ३ करोड ७६ लाख २७ हजार २ सय ९१, फस्ट माइक्रोफाइनान्स डेभलपमेन्ट बैंकको ३ करोड ७४ लाख ५ हजार २ सय ५७ रुपैयाँ, नेपाल बैंक लिमिटेडको ३ करोड ३ लाख ५३ हजार ४ सय ८९ र प्रभु बैंकको २ करोड ९१ लाख ३८ हजार १ सय २५ रुपैयाँबराबरको कारोबार भई शीर्ष स्थानमा रह्यो ।

नेप्सेका अनुसार प्रिमियर इन्स्योरेन्स कम्पनी, मेरो माइक्रोफाइनान्स वित्तीय संस्था, सिद्धार्थ इन्स्योरेन्स, सूर्या लाइफ इन्स्योरेन्स र नेपाल इन्स्योरेन्स कम्पनीका सेयरधनीले सबैभन्दा बढी १० प्रतिशतले कमाए ।

स्वाभिमान लघुवित्त वित्तीय संस्था र घोडीघोडा लघुवित्त वित्तीय संस्थाका सेयरधनीले ९.९९ प्रतिशतले कमाए । एशियन लाइफ इन्स्योरेन्स र इन्फिनिटी लघुवित्त वित्तीय संस्थाका लगानीकर्ताले ९.७ प्रतिशतले कमाए ।

यस्तै, माउन्टेन हाइड्रो नेपालका सेयरधनीले २.१५, सिनर्जी पावर २.०८, सिटिजन म्युचुअल फण्ड र युनियन हाइड्रोपावर १.७२, सिन्धु विकास बैंक १.६२ तथा प्राइम बैंकका लगानीकर्ताले १.३९ प्रतिशतले कमाए ।

बैंकिङ तरलता सहज हुँदै गएको, साना तथा ठूला लगानीकर्ता सक्रिय भएको र लगानीकर्तामा बजार बढ्छ भन्ने आत्मविश्वास बढ्दै गएकाले सेयर बजारमा उल्लेख्य सुधार आएको हो ।

प्रकाशित मिति: आइतबार, पुस २७, २०७६ १६:०९