सभामुख छान्न बालुवाटारमा ओली–प्रचण्ड बैठक

A+ A A-

प्रतिनिधिसभा बैठक शुरु हुन केही घण्टा बाँकी हुँदा सत्तारुढ नेकपाका अध्यक्षद्धय केपी ओली र पुष्पकमल दाहाल (प्रचण्ड) सभामुखको उम्मेदवार तय गर्न बालुवाटारमा बैठक बसिरहेका छन् ।

अध्यक्षद्वयवीच लामो समयदेखि सभामुखको उम्मेदवारमा एकमत हुन नसक्दा बैठक शुरु हुन लाग्दासमेत सभामुखको उम्मेदवार तय हुन सकेको छैन भने उपसभामुख शिवमाया तुम्वाहाम्फेको राजीनामा समेत आउन सकेको छैन ।

(नेकपा)को सचिवालय बैठकले शनिवार उपसभामुख शिवमाया तुम्वाहाम्फेलाई राजीनामा दिने निर्देशन दिइसकेको छ । उनलाइ राजीनामा दिन लिखित निर्देशन दिने नेकपाकाे तयारी छ ।

पार्टीको निर्देशन पछि शिवमायले भने आफुले राजीनामा दिनुपर्ने कारण बारे पार्टीले स्पष्ट पार्नु पर्ने अडान राखेकी छन् ।

आज बिहानबाट अध्यक्षद्धयबीच प्रधानमन्त्रीको सरकारी निवास बालुवाटारमा छलफल भइरहेको छ । तुम्वाहाम्फेले आफुलाई सभामुख नबनाउनु पर्ने कारण पनि लिखित रुपमा चाहिने अडान राखेपछि नेकपा अप्ठेरोमा परेको छ ।

आजै नेकपाले अध्यक्ष अथवा महासचिव मार्फत पार्टीको निर्णय बारे पत्रद्धारा जानकारी गराउने तयारी गरेको छ । तर नेकपाभित्र अहिलेपनि सभामुख कसलाई बनाउने भन्नेमा सहमति हुन सकेको छैन ।

अध्यक्ष तथा प्रधानमन्त्री केपी शर्मा ओलीले सुवास नेम्वाङलाई सभामुख बनाउन खोजेका छन् । अर्का अध्यक्ष प्रचण्डले तत्कालीन माओवादीबाट पम्फा भुसाललाई सभामुख बनाउन चाहेका छन् ।

उता राष्ट्रपतिले भने वर्तमान उपसभामुख तुम्वाहाम्फेलाई नै सभामुख बनाउन चाहेको छ । नेताहरुका आ आफ्नै अडानका कारण सभामुख चयनमा ढीलाई भएको छ ।

पूर्व माओवादी जसरी पनि आफुले नै पहिलाको सहमति अनुसार सभामुख पाउनु पर्ने अडानमा छन् । तर ओली आफुलाई सहज हुने व्यक्तिलाई सभामुख बनाउन चाहन्छन् ।

उता वर्तमान उपसभामुख तुम्वाहाम्फे भने सभामुखका उम्मेदवार तय नभएसम्म राजीनामा नदिने र आज १ बजेका लागि तय भएको बैठक संचालन गर्ने तयारमिा रहेको संसद सचिवालयले जनाएको छ ।

प्रकाशित मिति: आइतबार, पुस २७, २०७६ ११:५३