नासाले पत्ता लगायो नयाँ पृथ्वी, एलियन हुन सक्ने आशंका

A+ A A-

नासाले पृथ्वीसँग मिल्दो एक नयाँ ग्रह पत्ता लगाएको छ । जुन एलियनको घर हुन सक्ने अनुमान गरिएको छ । टीओआई ७०० डी नाम दिइएको यो ग्रह नासाको ट्रान्जिटिङ एक्साेप्लानेट सर्वेक्षण स्याटेलाइट (टीईएसएस) ले खोजेको हो । हालसम्म पत्ता लगाइएका मानिस बस्न लायक ग्रहमध्ये आफ्नो ताराबाट जीवन बाँच्न सक्ने दूरीमा रहेको उच्च सम्भावना रहेकाे पहिलो ग्रह रहेको नासाले जनाएको छ ।

नासा मुख्यालयका एस्ट्रोफिजिक्स डिभिजन निर्देशक, पर्ल हर्ट्सले भने, ‘टेसेन विशेष गरी ताराको नजिक परिक्रममा गरिरहेका पृथ्वीको आकारका ग्रहहरू खोज्न डिजाइन गरिएको थियो ।’ पृथ्वीमा रहेका ठूला टेलिस्कोपले यस्ता तारा र ग्रहहरू खोज्न सहज हुन्छ । यिनकै मद्दतले टीओआई–७०० डी ग्रह महत्त्वपूर्ण खोज हो ।’

यस ग्रहले एउटा सानो आकारको चिसो ताराको परिक्रमा गरिरहेको छ । साना तारालाई ड्वार्फ स्टार भनिन्छ । यो ग्रह पृथ्वीबाट १ सय प्रकाशवर्ष टाढाको दूरीमा छ । वैज्ञानिकले हालसम्म पत्ता लगाएका ग्रहमध्ये जीवन योग्य दूरीका हिसाबले यो पहिलो उपयुक्त दूरीमा देखिएकाले कुनै परग्रही बसिरहेको हुनसक्ने अनुमान गरेका छन् । यो ग्रह आफ्नो ताराको हेविटेवल जोनबाट परिक्रमा गरिरहेको छ ।

हेविटेवल जोन भनेको सूर्य र पृथ्वीबीचको दूरी मानिन्छ । जहाँ न धेरै चिसो न धेरै तातो हुन्छ । हेविटेवल जोनमा पानी तरल अवस्थामा रहन्छ । यो ग्रहको द्रव्यमान र साइज आफ्नो ताराभन्दा करिब ४० प्रतिशत कम हुन्छ । तापक्रम जीवन बाँच्न आवश्यक रहेको छ । यो ग्रह रहेको सौर्यमण्डलमा अन्य ग्रह पनि छन् ।

सबैभन्दा नजिक रहेको ग्रह टीओआई–७०० बी रहेको छ । पृथ्वीजस्तै कटा चट्टानी ग्रह हो । आकार पनि पृथ्वीजत्रै छ । यस्तै, दोस्रोमा रहेको टीओआई–७०० सी ग्रह पृथ्वीभन्दा २ दशमल ६ गुणा ठूलो र ग्यासले भरिएको छ । तेस्रो तथा सबैभन्दा बाहिरी ग्रह हो टीओआई–७०० डी हाे । यो ग्रह बसोबास गर्न लायकको देखिन्छ ।

यो ग्रह पृथ्वीभन्दा २.५ गुणा ठूलो छ । ग्रहको आकार र संरचना पुष्टि गर्न नासाले स्पिट्जर अन्तरिक्ष टेलिस्कोप प्रयोग गरेको थियो । धेरै ग्रहहरू ताराको परिक्रमामा देखा परेका छन् । यद्यपि टीओआई–७०० डी बसोबास गर्न योग्य छ ।

सेन्टर फर एस्ट्रोफिजिक्स हार्वर्ड एण्ड स्मिथसोनियनका खगोलविद् जोसेफ रोड्रिगेजले भने, ‘यो खोजको प्रभावलाई ध्यानमा राख्दै (यो टेस्सको पहिलो बासस्थान क्षेत्र पृथ्वी–आकारको ग्रह हो, हामी वास्तवमै यस प्रणालीका बारेमा जस्तो ठोस भएको चाहन्थ्यौं । र यो सम्भव पनि छ।’

स्पिट्जरले टीओआई–७०० डी लाई अपेक्षा गरेकै स्थानमा भेटाएको थियो । अन्तरिक्ष खोजमा ऐतिहासिक खोज भएको नासाले जनाएको छ । एजेन्सी

प्रकाशित मिति: बिहीबार, पुस २४, २०७६ १६:०९