एनआईसी एसियाको न्यू सुपर चामत्कारिक निक्षेप योजना

A+ A A-

एनआईसी एशिया बैंकले न्यू सुपर चामत्कारिक निक्षेप योजना ल्याएको छ । बैंकले नयाँ वर्ष २०२० को अवसरमा ग्राहकलाई सर्वाधिक उच्च प्रतिफलको साथमा चामत्कारिक फाइदाहरू उत्कृष्ट बीमा सुरक्षा योजना, कर्जाको ब्याजदर तथा प्रशासनिक शुल्कमा विशेष छुट, निःशुल्क होम बैंकिङ सुविधा, निःशुल्क लकर सुविधा, देशभरका जनुसुकै बैंकको एटीएमबाट रकम झिक्दा शुल्क नलाग्नेलगायतका ३० चामत्कारिक योजनाहरू ल्याएको हो ।

यस योजनाअन्तर्गत खाता खोल्ने ग्राहक महानुभावहरूले २१ लाख रुपैयाँसम्मको बीमा सुविधा प्राप्त गर्न सक्नुहुनेछ । यस सुविधाअन्तर्गत खातावालाको दुर्घटनाबाट मृत्यु भएमा वा पूर्ण रूपमा अशक्त भएमा १० लाख रुपैयाँसम्मको बीमा सुविधा, १८ घातक रोगहरूका लागि १० लाख रुपैयाँसम्मको बीमा सुविधा र १ लाख रुपैयाँसम्मको औषधि उपचार बीमा सुविधा प्राप्त गर्न सक्ने जनाएको छ ।

औषधि उपचार बीमाअन्तर्गत बैंकले आफ्ना ग्राहक महानुभावहरूलाई अझ विशेष सुविधा दिने उद्देश्यले बहिरंग सेवामा २० हजार रुपैयाँसम्म र अस्पताल भर्नाबापत ८० हजार रुपैयाँसम्मको बीमा सुविधा प्रदान गर्नेछ ।

आफूअनुकूल हुने र इच्छाएको रकम बचत गर्नका लागि सिल्भर, गोल्ड र डायमण्ड सिरिज गरी तीन बचत योजनाहरू न्यू सुपर चामत्कारिक खाताहरूमा प्राप्त गर्न सकिने बैंकले जनाएको छ ।

यी तीनै प्रकारका खाताहरूमा वार्षिक ६.५ प्रतिशत ब्याजदर प्राप्त हुनेछ भने डायमण्ड बचत खातामा अति विशिष्ट सुविधाहरूबाट लाभान्वित हुनेछन् ।

साथै, खातावालाको जीवन सहज बनाउनका लागि घरमै बैंकिङ सुविधा, निःशुल्क डिम्याट खाता खोल्ने, निःशुल्क ई–कमर्श एक्टिभेसन, निःशुल्क लकर सुविधा, अनलाइन मुद्दती खाताको सुविधा, निःशुल्क क्रेडिट कार्डको सुविधा यस योजनाले समेटेको छ ।

बैंकले सार्वजनिक गरेको निक्षेप योजनाहरूमा माथि उल्लेखित सुविधाहरूको अतिरिक्त पृथक स्विप इन–स्विप आउट र मासिक निक्षेप खाताको सुविधाबाट बचत खातामार्फत नै मुद्दती खाताकै सुविधाहरू पाइनेछ ।

न्यू सुपर चामत्कारिक बचत योजनाले देशका सबै क्षेत्र, भेग, तह र तप्काका ग्राहकलाई अधिकतम फाइदा पुग्ने विश्वास बैंकले लिएको छ ।

यस्तै, न्यू सुपर चामत्कारिक बचत खाता, न्यू सुपर चामत्कारिक नारी बचत खाता, न्यू सुपर चामत्कारिक ज्येष्ठ नागरिक बचत खाता, न्यू सुपर चामत्कारिक बाबुनानी बचत खाता, न्यू सुपर चामत्कारिक विद्यार्थी बचत खाता, न्यू सुपर चामत्कारिक स्वरोजगार बचत खाता, न्यू सुपर चामत्कारिक वैदेशिक रोजगार बचत खाता, न्यू सुपर चामत्कारिक सहज बचत खाता, न्यू सुपर चामत्कारिक मुद्दती निक्षेप खाता, न्यू सुपर चामत्कारिक मासिक निक्षेप खाता, न्यू सुपर चामत्कारिक तलब बचत खाता सहितका निक्षेप योजना बैंकले ल्याएको छ ।

बैंकले देशभर ३ सय १३ शाखा कार्यालय, ४ सय ८ एटिएम, १ सय ३ वटा एक्स्टेन्सन काउण्टर एवं ४५ वटा शाखारहित बैंकिङमार्फत् बैंकिङ सेवा प्रदान गर्दै आइरहेको छ ।

प्रकाशित मिति: सोमबार, पुस २१, २०७६ ११:३३