सामाजिक सञ्जालका स्टाटस र क्याप्सनले बताउँछन् तपाईंको व्यक्तित्व

A+ A A-

अभिव्यक्तिका लागि सामाजिक सञ्जाल अहिले विश्वमा शक्तिशाली हतियार बनेका छन् । कसैले सिधा त कसैले घुमाउरो भाषामा सामाजिक सञ्जालबाट आफ्ना धारणा राख्छन् ।

यसरी व्यक्त गरिएका धारणा गम्भीर या सामान्य, साना या ठूला, राम्रा र नराम्रा हुन सक्छन् । यसरी राखिएका क्याप्सन द्विअर्थी पनि हुन सक्छन् । जस्तो जेनिफर एनिस्टनले इन्स्टाग्राममा लेखेकी छन्– अब हामी इन्स्टाग्राममा पनि साथी भयौं ।

सिधा र सपाट पनि हुनसक्छ, जस्तो– क्रिष्टियानो रोनाल्डोले लेखेका थिए, ‘सबैलाई ह्याप्पी हेलोविन’ ।

त्यस्तै, स्टन्ट पनि हुनसक्छ । जस्तो खैरो रंगको अण्डा राखेर पोस्ट गरिएको इन्स्टाग्रामको एउटा क्याप्सन छ, ‘आउनुहोस्, हामी मिलेर विश्व रेकर्ड बनाऔं र इन्स्टाग्राममा सबैभन्दा बढी लाइक्स बटुलौं ।’

माथि उल्लेख गरिएका सबै इन्स्टाग्रामका क्याप्सन हुन् । इन्स्टाग्राम सामाजिक सञ्जाल हो । यहाँ तस्वीर मुख्य आकर्षणको विषय बन्छ । तर, यसमा क्याप्सनको प्रयोग पनि बढिरहेको छ ।

इन्स्टाग्राममा क्याप्सन र फोटोबीचको तारतम्य नमिल्ने मात्रै होइन, सामाजिक सञ्जालमा चर्चा पाउने अन्य विषयमा ख्याल नै नगरी पोस्ट गर्ने परिपाटीसमेत बढेपछि इन्स्टाग्रामले लाइक्स नदेखिने बनाउँदैछ । अमेरिकाका केही क्षेत्रमा अहिले यसलाई कार्यान्वयनमा ल्याइएको छ ।

आफ्नो पोस्ट कति चर्चित भयो भनेर अब पोस्ट गर्नेले मात्र देख्नेछ । यसको प्रयोगको अर्थ पोस्टमा आउने लाइक्सलाई लिएर हुने प्रतिस्पर्धा घटाउनु र प्रयोगकर्ताको मानसिक स्वास्थ्य सुधार्न हो । अस्ट्रेलिया, जापान ब्राजिलजस्ता देशले समेत यस्तो व्यवस्था गर्न लागेका छन् ।

यसको कतिपय उत्प्रेरक र ठूला हस्तीले काममा समस्या आउने भन्दै यसको विरोध पनि गरिरहेका छन् । विशेषज्ञहरूले समेत सामाजिक सञ्जालमा पोस्ट हुने तस्बिर र त्यसमा आउने टिप्पणी महत्त्वपूर्ण अर्थ राख्ने बताउँछन् । तस्वीरमा लेखिएको शब्दले कुन उत्प्रेरक सफल हुन्छ भन्ने तय गर्न पनि सहयोगी बन्छ ।

क्याप्सनको शक्ति

गुगलमा साधारण खोज गर्ने हो भने पनि मानिसहरुले क्याप्सनलाई कति महत्त्व दिन्छन् भन्ने बुझ्न सहज हुन्छ । जसमा लाखौं परिणामहरू आउँछन् । इन्टरनेटमा साथीभाइ, फिटनेश र खाना हरेक सन्दर्भका क्याप्सन सजिलै भेट्न सकिन्छ ।

यस्ता क्याप्सनको साधारण अर्थ र गम्भीर अर्थ हुन सक्छ । सामाजिक सञ्जालका पुराना प्रयोगकर्ता र उत्प्रेरकका विचारमा क्याप्सनकै माध्यमबाट धेरैभन्दा धेरै मानिसहरुले संवाद गर्ने गर्छन् ।

क्याप्सनले सामाजिक सञ्जालमा तपाईंले पोस्ट गरेको तस्वीरको सन्दर्भलाई जोडिदिन्छ । फलोअर्स बढ्न पनि तपाईंले पोस्ट गरेका क्याप्सनको ठूलो भूमिका हुन्छ, व्यापार प्रवर्द्धनमा पनि सामाजिक सञ्जालको ठूलो भूमिका छ ।

सोसल मिडिया मार्केटिङ कम्पनी सोशलबेकर्सले सन् २०१७ मा ६ वटा ठूला मिडिया कम्पनी (जस्तो कि बजफीड र हाफपोस्ट) को अध्ययन गरेको थियो । यसमा जुन पोस्टमा क्याप्सन थियो, त्यसमा औसतमा ४१ प्रतिशत बढी मानिसहरू जोडिएको पाइएको थियो ।

राम्रो क्याप्सन कसरी बन्छ ?

यसका लागि जुन सल्लाह दिइन्छ, यसमा साथीलाई लाइक या ट्याग गर्नु, इमोजी र ह्यासट्याग जोड्नु, धेरै लामो र छोटो सन्देशबाट बच्नु र पोस्ट गर्नुअघि त्यसबारे मोटामोटी धारणा बनाउन आवश्यक छ ।

तर, यसको सही प्रयोग भनेको पाठकसँग जोड्नु हो । यसै कारण इन्स्टाग्रामले पनि क्याप्सन लेखन विकास गरेको हो । त्यति मात्रै होइन, चर्चित र प्रभावशाली हस्तीहरू मानसिक स्वास्थ्यजस्ता विषयमा पनि खुलेर कुरा गर्न सक्छन् ।

क्याप्सनको खतरा पनि !

टिप्पणीको बाढी आउन थाल्यो भने कहिलेकाँही क्याप्सनको उल्टो असर पनि पर्न सक्छ । ५ करोड ४० लाख फलोअर भएका अमेरिकी र्‍यापर अमेरिकी कार्डी बीले ‘लाइक’ लुकाउने कदमको विरोध गरेका थिए ।

कार्डीका फलोअरले पनि यसको समर्थन गरे । उनीहरूले इन्स्टाग्रामलाई लाइक्स लुकाउनुभन्दा भोट एकाउन्ट र ट्रोल हटाउन ध्यान दिनुपर्ने सुझाव दिन्छन् ।

प्रकाशित मिति: आइतबार, पुस १३, २०७६ १८:२२