सुनितालाई थाहा छैन, अरुले चाखेका छन् भाङ

A+ A A-

शिवरात्री हिन्दुहरुको पर्व हो । आज देशभरका शिवालयमा भक्तजनको घुँइचो छ । काठमाडौको पाशुपत क्षेत्रमा आज भक्तजनहरु पुजापाठ र नाचगानमा व्यस्त छन् । सेलिव्रेटीहरु शिवरात्री कसरी मनाउछन् भनेर हामीले सोधेका छौं । उनीहरुका अनुभव जस्ताको तस्तै–

साथीहरुसंग भाङ खाएको छु
बाबु बोगटी, गायक/अभिनेता

शिवरात्रीमा कुनै बिशेष योजना छैन । मेरो घर पशुपतिाथ मन्दिर नजिकै पर्छ । दर्शन सधै गरिन्छ । पहिले त शिवरात्रीमा रमाइलो गरिन्थ्यो ।
केहि वर्ष यता कार्य व्यस्तताले गर्दा ध्यानै नहुदो रहेछ । शिवरात्रीमा मैले भाङ खाएकै छैन भन्न चाँही मिल्दैन । मैले साथीहरूसँग भाँङ खाएको छु । त्यो बेला मलाई हल्का नसा लागेजस्तो अनुभुति भएको थियो । तर अहिले अलि व्यस्त भएर होला शिवरात्री लागेको छैन ।

भाङ खाएको छु तर असर देखाएन
बेनिशा हमाल, अभिनेत्री

मेरो शिवरात्रीलाई भनेर त्यस्तो प्लान केहि पनि छैन् । म शिवरात्रीमा कहिल्यै ब्रत बसको छैन् । साँझपख साथीहरुसँग पशुपति जान्छु । तर त्यस्तो स्पेसल छैन् । कस्तो हुदो रहेछ भनेर तीन वर्ष पहिले भाँङ टेस्ट गरेको छु ।

साथीहरुसँग खाएको थिए तर मलाई केहि भएन । मैले थाहा नपाएको होकि केहि महसुस नै भएन । शिवरात्री पराम्परगत रुपमा मनाउदै आएको पर्व हो । स्वास्थ्यलाई ख्याल गर्दै मनाउदा हुन्छ । अहिले शिवरात्री भनेर समय छुट्याएर मनाएको छैन् ।

शिवरात्री कहिले पर्छ थाहा छैन
सुनिता दुलाल, गायिका

म आज (शिवरात्रीमा) सुर्खेतमा छु । शिवरात्रीको दिन सुर्खेतमा अडिसन हुदै छ । मलाई शिवरात्री कुन मितिमा हुन्छ भन्ने हेक्का हुदैन ।

मलाई तीज जस्तो शिवरात्री त्यति महत्वपूर्ण चाहि लाग्दैन । आजसम्म मैले शिवरात्रीमा ब्रत बसेको छैन् । मलाई शिवरात्री मन नपराउने भन्ने चाहि होइन । हामी कलाकारलाई खासै फुर्सद पनि नहुने रहेछ ।

स्वादै नहुने भाङ के खानु ?
अनुपविक्रम शाही, अभिनेता

म आजै बिदेश जाँदैछु । मेरो कहिल्यै शिवरात्रीको दिन त्यस्तो योजना हुदैन । शिवरात्री भनेर मैले कहिल्यै मनाएको छैन ।
जीवनमा कहिल्यै गाँजा भाँङ धतुरो लत चाहि छैन् । मलाई मनै नपर्ने भएर होइन, काम प्रति ध्यान भएर त्यो दिनको त्यस्तो योजना नै बनाइएको हुदैन् ।

मैले स्वाद कस्तो हुदो रहेछ भनेर गाँजा–भाङ चाखेको छु । साथीहरुसँग एकपटक खाएको छु । त्यस्तो स्वाद केहि पनि नहुदो रहेछ । शिवरात्री मन पर्ने नपर्ने भन्दा पनि समय हुनेले मनाउदा हुन्छ ।

प्रकाशित मिति: मंगलबार, फागुन २१, २०७५ ०१:५९