चाबीले बताउँछ तपाईंको व्यक्तित्व : जाँची हेर्ने कि ?

A+ A A-

जब तपाई कुनै निर्णय लिनुहुन्छ, यसले तपाईंको सचेत सोचका बारेमा बताउँदैन तर अवचेतन मस्तिष्कका बारेमा भने निकै धेरै बताउँछ ।

जब तपाईं कुनै यस्तो सवाल जवाफ गर्नुहुन्छ, जसले तपाईंको अवचेतन मस्तिष्कलाई निशाना गर्छ भने यसबाट तपाईंको व्यक्तित्वका बारेमा लुकेका केही कुरा बाहिर आउँछन् ।

यदि तपाईं आफ्नाबारेमा यस्ता कुरा जान्न चाहनुहुन्छ भने यहाँ तपाईंका लागि केही प्रश्न छन् । तपाईंले खालि यहाँ तल देखाइएका तस्बीरमध्ये तपाईंले एउटा चाबी छान्नुपर्नेछ ।

ठीक छ, चाबी छनोटमा लामो समय नलिनुहोस्, जुन चाबी तपाईंलाई बढी मनपरेको छ, त्यो छानिहाल्नुहोस् र आफ्नाबारेमा थाहा पाइहाल्नुहोस् ।

पहिलो चाबी

यो सबैभन्दा साधारण चाबी हो । यदि तपाईले यो चाबी छान्नुभयो भने यसको अर्थ हो, तपाईं साना चिजलाई पनि कदर गर्नुहुन्छ । तपाईं बढी तामझाम गर्ने स्वभावको व्यक्ति होइन र जीवनका ठूला निर्णय लिनमा पनि तपाईंको अवधारण विश्लेषणात्मक हुन्छ ।

तपाईं विगतका कुराहरूबाट बढी पछुताउनुहुन्न, केही भए पनि तपाईं दुखी हुनुहुन्न । तथापि, केही मानिस यो जान्दैनन् कि तपाईं बाहिरबाट जति कठोर देखिनुहुन्छ, भित्र उति नै कोमल पनि हुनुहुन्छ ।

दोस्रो चाबी

दोस्रो नम्बरको चाबी निकै सुन्दर र आकर्षक छ । यसलाई देखेर यस्तो लागिरहेको छ कि यो सिधै कुनै परीकथाबाट आएके हो वा कुनै जादूई चाबी हो, जसबाट कुनै महलको खजाना खुल्न सक्छ ।

यदि तपाईंले यो चाबी छनोट गर्नुभएको छ भने तपाईं आफ्नै दुनियाँमा रमाउने स्वभावको व्यक्ति हो । तपाईंको कल्पना तीब्र र निकै सिर्जनशील छ । तपाईं कलामा धेरै रुचि राख्नुहुन्छ ।

तपाईं यो ठान्नुहुन्छ कि हरेक चिज हुनुमा त्यसका पछाडि केही कारण हुन्छ र तपाईंलाई त्यसको प्रतीक्षा हुन्छ । आखिरमा सबै ठीक र तपाईंले सोचेजस्तै हुन्छ ।

तेस्रो चाबी

यदि तपाईंले तेस्रो चाबी छनोट गर्नुभएको छ भने यसको अर्थ हो, तपाईं सूर्यको प्रकाश जस्तो जहाँ गए पनि उज्यालो फैलाउनुहुन्छ । चारैतर्फ निराशामा पनि तपाईं सबैभन्दा उज्यालोतर्फ केन्द्रित रहनुहुन्छ ।

भलै, तपाईंमाथि जतिसुकै कामको बोझ किन नहोस्, कसैले सहयोग मागेमा तपाईं उसलाई हरतरहले सहयोग गर्न तत्पर रहुनहुन्छ । यस कारण तपाईंमाथि प्रायः कामको बोझ भइरहन्छ ।

तपाईंको व्यक्तित्व निकै सरल छ, जसका कारण तपाईंको सामाजिक वृत्त पनि ठूलो हुन्छ । तपाईंको व्यक्तित्वको सबैभन्दा खास कुरा यो हो कि तपाईं कुनै पनि चिजलाई मूल्यांकन गर्नतिर लाग्नुहुन्न, चाहे कसैले तपाईंसँग कुनै गोप्य कुरा नै शेयर गरेको होस् ।

चौथो चाबी

यदि तपाईंले यस चाबीलाई नजिकबाट हेर्नुभयो भने यस चाबीमा निकै अनौठो र भिन्न डिजाइन छ । तपाईंलाई यो चाबी मनपरेमा यको अर्थ यो हो कि तपाईं आफ्ना कुरा राख्नुहुन्छ र मानिसलाई तपाईंको कुरा मनपर्दैन भने पनि त्यसको तपाईंलाई कुनै परवाह हुँदैन ।

तपाईं धेरै इमान्दार हुनुहुन्छ र मनको कुरा भनिहाल्नुहुन्छ । यद्यपि, तपाईंको यस्तो इमान्दारी कहिलेकाहीँ केही मानिसलाई नराम्रो लाग्न सक्छ । तपाईंमा निकै राम्रो नेतृत्व गुण छ । सबैभन्दा ठूलो कुरा त तपाईंलाई केही गलत लागेमा तपाईं सबैभन्दा पहिला बोल्नुहुन्छ र अर्काका लागि पनि अडान लिनुहुन्छ ।

प्रकाशित मिति: बुधबार, पुस २, २०७६ १६:४१