यी हुन् विश्वकै सबैभन्दा काली सुन्दरी, जाे बनिन् फेसनकी आइकन

A+ A A-

सुडानकी एक काली सुन्दरी सामाजिक सञ्जालमा फेसन आइकन बनेकी छन् । जसको अस्तित्वलाई मानिसहरूले अँधेरो मान्दै नजरअन्दाज गरिरहेका थिए ।

बाल्यकादेखि नै युवाअवस्था हुँदासम्म हरेक पटक, हरेक मोडमा उनको वर्ण कालो भएकै कारण मजाकको पात्र बन्दै आएकी थिइन् । तर, अब उनी एक आइकन बनेकी छन् ।

यी काली सुन्दरी युवती हुने सुडानकी २६ वर्षीया न्याकिम गाट्वे । १४ वर्षको आयुसम्म उनको जिन्दगी इथियोपिया र केन्याको रेफ्यूजी क्याम्पमा बितेको थियो ।

यहाँ उनको छालाको रङकै कारण धेरै तनाव सहनुपरेको थियो । तर, अहिले उनको तस्वीर सामाजिक सञ्जालमा भाइरल बनेको छ । मानिसहरू कुनै रङ वा वर्णका आधारमा सुन्दरताको बयान गर्न नसकिने बताइएका छन् ।

अहिले उनको सुन्दरताकै कारण सामाजिक सञ्जालदेखि मिडियासम्म आकर्षित भएका छन् । उनका क्यालसमेटले उनलाई यो भनेर मजाक उडाउँथे कि, ‘वर्षौंदेखि नुहाएकी छैनौं, यसैले यस्तो फोहोरी देखिन्छौ ।’

जब शिक्षक उनलाई केही प्रश्न सोध्थे, तब अरु बालबालिका भन्थे, ‘कोसँग कुरा गरिराख्नुभएको छ, यहाँ कोही देखिँदैन ?’ र यही कुरामा सबै कक्षाका बालबालिका हाँस्थे र उनी रुन लाग्थिन् । १४ वर्षको उमेरमा न्याकिमको परिवार अमेरिका आएको थियो । त्यहाँ पनि उनको कालो रङका कारण गिज्याउन कसैले बाँकी राखेनन् ।

तब अचानक उनको जिन्दगी बदलियो । एक ड्राइभरका कारण । यसै वर्षको मार्चमा न्याकिम स्वयमले सामाजिक सञ्जालमा आफूले भोगेको पीडा पोस्ट गरिन् । देख्दादेख्दै उनको कहानी र सुन्दरता भाइरल हुन थाल्यो । ती ड्राइभरले न्याकिमको कालो रङ देखेर सोधे कि ‘यदि तिमीलाई १० हजार डलर दिए तिमी आफ्नो कलर बदल्न तयार हुन्छ्याै ?’

यसपछि न्याकिमलाई महसुस भयो कि पहिले छालाको कालो रङलाई आफैं स्वीकार गनुपर्छ । त्यस दिनदेखि नै सबै बदलिएको थियो । अहिले यी काली सुन्दरी न्याकिमले मोडलिङमा खुब नाम कमाइसकेकी छन् । इन्स्टाग्राममा हाल उनका ४ लाख ७७ हजार फलोअर्स छन् । अहिले उनी सबैभन्दा काली युवती भएकोमा खुशी छन् । मानिसहरू उनलाई क्वीन अफ डार्कनेस (अँध्यारोकी रानी) भनेर चिन्छन् । (एजेन्सी)