अनेरास्ववियुमा डाक्टर-इञ्जिनियरको आकर्षण– पाँच डाक्टर र २२ इञ्जिनियर चुनावी मैदानमा

एमालेको भ्रातृ संगठन अनेरास्ववियुको अध्यक्षमा डा.सुजन कडरिया प्रतिस्पर्धा गरिरहेका छन् । उनीमात्र होइन, अन्य चार जना डाक्टर पनि विभिन्न पदमा प्रतिस्पर्धा गरिरहेका छन् । सचिवमा डा. आनन्द कुमार सिंह, विश्वविद्यालयबाट केन्द्रीय सदस्यमा डा. प्रविन भुसाल, खुला सचिवालय सदस्यमा डा.पुष्पराज भाम, लेखा आयोग उपाध्यक्ष डा.सनराज थारुले उम्मेदवारी दर्ता गरेका छन् ।

डाक्टरमात्र होइन २२ जना इञ्जिनियरहरूले पनि विभिन्न पदमा उम्मेदवारी दर्ता गरेका छन् । खुला उपाध्यक्षमा ई. विकाश श्रेष्ठ, बागमती खुला सचिवालय सदस्यमा ई.नविन्द्र चालिसे, गण्डकी खुला सचिवालय सदस्यमा ई.किशोर चन्द्र सुवेदी, विश्वविद्यालय राष्ट्रिय कमिटीमा सचिवालय सदस्य ई. रोजन भट्टराइ, ई.विशाल आचार्य, ई.नवीन निरौला, ई.कमल यादव प्रतिस्पर्धामा छन् ।

यस्तै ई. पदमबहादुर खड्का, ई. सुवास सुवेदी, ई. नितेश लामिछाने र ई. दिपिका पाण्डेय (डीपी)ले पनि सचिवालय सदस्यमा उम्मेदवारी दिएका छन् । यस्तै बागमतीबाट ई. सुदिन अधिकारी, उपत्यका विशेष खुला ई. निरज खड्का, कर्णाली खुला ई.लोकेश मल्ल, विश्वविद्यालय राष्ट्रिय कमिट ई.शरद पाण्डे, ई.बालकृष्ण घिमिरे, ई.आवरण आचार्य, ई.विमल थापा, ई.विश्वास लम्साल, ई.सचिन श्रेष्ठ, ई.मनिष सलिवाल, ई.रमेश दाहाल, ई.प्रेमबहादुर लामाले पनि खुला सचिवालय सदस्यमा उम्मेदवारी दिएका छन् ।

यस्तै नीति, योजना तथा अनुसन्धान आयोग अध्यक्षमा ई. विराज अर्याल र ई. धर्मशिला रोकाया तथा सदस्य खुलामा ई.लोकेन्द्रबहादुर बिष्ट र ई.आकाश खत्रीले उम्मेदवारी दिएका छन् ।

सर्वसम्मतको प्रयास असफल भएपछि अनेरास्ववियुमा निर्वाचन हुँदै छ । आज उम्मेदवारको प्रारम्भिक नामावली प्रकाशन भएको छ । बिहीबार निर्वाचन सुरु हुने बताइएको छ ।