मुख्यमन्त्री भन्छन्ः कलाकारका तिघ्रा देखाइन्न

A+ A A-

आजबाट हेटौंडामा राष्ट्रिय औधोगिक व्यापार मेला सुरु भएको छ । ५ लाख अवलोकनकर्ता आउने र कम्तिमा ५ करोड करोबार हुने अपेक्षा सहित सुरु गरिएको मेलाको ३ नम्बर प्रदेश सरकारका मुख्य मन्त्री डोरमणी पौडेलले उद्घाटन गरेका छन् ।

मेलाको उद्घाटन गर्दै मुख्यमन्त्री पौडेलले समृद्धिको लागि तीनै तहको सरकारसंगै स्थानीय नागरिकपनि लाग्नु पर्ने बताए ।

‘संघियतामा आइसक्दा पनि देशको विकास भएन भनेर गुनासो गर्न छाड्नुस् ऐन कानून लगायतका सारा बाटाहरु बल्ल बनेका छन् अवको ४/५ वर्षमा यो प्रदेशले आर्थिक काँचुली फेर्ने छ’ मुख्यमन्त्री पौडेलले भने ।

उद्योग, पर्यटन, कृषिलगायत सबै क्षेत्रको विकासको लागि सरकारले तिनखम्बे नीति अवलम्बन गर्ने बताउँदै पौडेलले भने ‘आर्थिक समृद्धिको लागि टुक्रे योजना हैन, चक्लाबन्दी योजना ल्याइराखेका छौ ।’

उनले सिन्धुली, चितवनलगायतको जिल्लाबाट सामूहिक खेती, माछा पालन जस्ता योजनाहरु सूर गरेर कृषिमार्फत आधुनिकीकरण थालिसकेको बताए । ‘यस्ता प्रकारको मेलाहरु आर्थिक विकासको लागि गरिन्छन्, उत्पादनको प्रर्वद्धन, प्रचार प्रसारको गरिन्छन्’ उनले भने मनोरञ्जनको लागि सस्ता कलाकारको तिघ्रा देखाउने काम हुँदै हुदैन ।’

मुख्य मन्त्री पौडेलले नीति र नैतिकतामा टेकेर आर्थिक विकास गर्दै समृद्ध नेपाल सुखी नेपाली अभियानमा लाग्न आयोजकलाई आग्रह गरे ।

मेलाको उद्घाटन गर्दै नेपाल उद्योग बाणिज्य महासंघका अध्यक्ष चण्डीराज ढकालले मकवानुरको हेटौंडालाई आर्थिक बजारको रुपमा चिनाउन सबैतहको लगाव आवश्यक बताए । ‘औद्योगिक पहिचान भएको जिल्लामा उद्योगको प्रवद्र्धन गर्नतर्फ लाग्नुपर्छ, ’ ढकालले भने ।

५१ फिट अग्लो राष्ट्रिय झण्डा फहराईएको मेलाको आकर्षणलाई बढाइएको छ । राष्ट्रिय पहिचान बोकेको राष्ट्रिय झण्डालाई मेला स्थलमा फहराइएको मकवानपुर उद्योग बाणिज्य संघले जनाएको छ ।

११ दिनसम्म सञ्चालन हुने मेला अबधिभर रहने गरी मेला स्थलको बिच भागमा भण्डा फहराइने भएको हो । संघले मेला स्थलमा फरहउँने झण्डा हालसम्मको सबै भन्दा ठुलो झण्डा भएको दाबी गरेको छ ।
मेला स्थलमा ४ सय ४० वटा स्टल रहेका छन् । हेटौंडा ५ क्याम्पडाँडा मैदानमा सुरु भएको मेला अन्यवर्षको भन्दा उपलव्धी मुलक हुने सघंका अध्यक्ष कृष्ण कटुवालले वताए ।

अध्यक्ष कटुवालका अनुसार मेलाबाट १ करोड ३० लाख रुपियाँ कोषका लागि रहने छ । मेलामा हरेक ठाउँमा रहने बिभिन्न प्रकारका स्टल बाहेक हरेक दिन बिशेषज्ञ डाक्टर सहित निःशुल्क स्वास्थ्य शिविर सञ्चालन गरिनेछ । शिबिरमा निःशुल्क औषधि पनि बितरण गरिने बताइएको छ ।

मेलामा स्विस सरकारले राजा महेन्द्रलाई उपहार दिएको गाडि, बोटिङ, घोडचडी, मत्स्य बिकास केन्द्र हेटौंडाले उत्पादन गरेको फ्रेस माछा, मौलिक सस्कृति झल्कने पञ्चेबाजा प्रतियोगिता सहित कपडा, जुत्तको स्टर, बाल उद्यान मेलाको प्रवद्धनका लागि राखिएको छ ।

मेला अवलोकनका लागि सर्वसाधारणले ५० र बिद्यार्थीले ३० रुपैयाँको टिकट काट्नु पर्ने छ भने घोडचढी, बोटिङ र बालउद्यानका लागि फरक शुल्क लाग्नेछ ।

मेलामा गायन कला प्रतियोगिता जिपिएक्स हेटौँडा आईडल कार्यक्रम पनि समावेश छ । आयोजकले हेटौंडा बजारबाट मेला स्थलसम्म जान निःशुल्क यातायातको व्यवस्था समेत गरेको छ ।

प्रकाशित मिति: आइतबार, फागुन १९, २०७५ ०३:५५