४२ वर्षअघि टीभीमा देखिएका थिए एलियन्स !

A+ A A-

सन् १९७७ मा नोभेम्वर २६ तारिखमा दक्षिणी ब्रिटेनमा ६ मिनेटको एक रहस्यमयी टेलिभिजन सामग्री प्रसारण गरिएको थियो । यो भिडियो सामग्रीमा एक चेतावनी थियो । निकै डरलाग्दो चेतावनी दिनेले आफ्नो परिचय एलियन व्रिलाँन बताउँदै दिएका थिए ।

उनले आफू अश्टार ग्यालृक्टिक कमाण्डको प्रतिनिधि भएको बताएका थिए । त्यसबेलादेखि आजसम्म यस चेतावनीलाई कसैले बुझेका छैनन् । कि यो चेतावनी के थियो ?

सधैंझैं त्यस दिन समान्य नै थियो । सबै मानिस टीभीमा समाचार हेर्दै थिए । अचानक मानिसहरूले समाचार पढिरहेका न्युजरिडर एन्ड्रूयू गार्डनरको तस्वीर हल्लिन थालेको देखे । अचानक टीभीमा ठूलो आवाज आउन थाल्यो । एलियनले भन्यो, ‘तपाईंहरूको दुनियाँ खतरामा छ ।’

यसपछि रहस्यमय सूचना प्रसारण हुन थाले । त्यसमा भनियो कि, ‘यो व्रिलाँनको आवाज हो, अश्टार ग्यालेक्टिक कमाण्डको एक प्रतिनिधि तपाईंहरूसँग कुरा गरिहेको छ’, अघि भनियो, ‘धेरै वर्षदेखि तपाईंहरूले हामीलाई आकाशमा ताराजस्तै देख्नुभएको छ । हामी तपाईंहरूसँग शान्ति र बुद्धिमानी तरिकाले कुरा गरिसकेका छौं ।

जस्तो कि हामी तपाईंहरूका भाइबहीनीसँग कुराकानी गरेका छौं । हामी तपाईं र तपाईंको दुनियाँका प्रजातिको नियतिका बारेमा चेतावनी दिन आएका हौं । ताकि तपाईंहरू यहाँका मानिसहरूसँग कुराकानी गर्न सक्नुहुन्छ ।

आउने आपतबाट बच्न केही गर्न सक्नुहुनेछ ।’ उनीहरूले पृथ्वी, मानिस र यहाँका प्रजातिको प्राणमाथि संकट आउने बताए ।
त्यसपछि टीभीमा बोल्दै गरेको उक्त एलियनले पृथ्वी एक नयाँ युगमा गइरहेको र ठूलो विनाश निम्त्याउने न्युक्लियर हतियार खत्तम गर्नुपर्ने बताएको थियो ।

उडन तस्तरीको बारेमा जानकारी दिँदै उसले अघि भन्यो, ‘हामीले केही वर्षदेखि तपाईंहरूलाई देखिरहेका थियौं ।’ यो खबर न दोस्रो पटक आएको छ, न त कसैले सफाइ नै दिएको छ ।

यद्यपि टेलिभिजनका एक रिपार्टरले दक्षिणी क्षेत्रमा रहेको टेलिभिजनको ट्रान्समिटरमा एक धोकेवाजले ह्याक गरेर प्रसारण गरेको बताएका थिए । यो घटना भएको ४२ वर्ष भइसकेकाे छ । तर, आज पनि यस घटनालाई मानिसहरू सत्य भएको मान्दै आएका छन् । एजेन्सी

प्रकाशित मिति: शुक्रबार, मंसिर १३, २०७६ १३:१८