सेलपे सेवाको दोस्रो चरणको स्टल एक्टिभेसन कार्यक्रम सुरु

A+ A A-

नेपाल राष्ट्र बैंकबाट अनुमतिप्राप्त भुक्तानी सेवाप्रदायक सेलकम प्रालिको सेलपे सेवाले शुक्रबारदेखि दोस्रो चरणको स्टल एक्टिभेसन कार्यक्रम सुरु गरेको छ । कम्पनीले नक्सालस्थित भाटभटेनीमा आज शुक्रबार र भोलि शनिबार, महाराजगञ्ज भाटभटेनीमा आगामी ६ र ७ मंसिर तथा पाटनस्थित भाटभटेनीमा आगामी १३ र १४ मंसिरमा उक्त कार्यक्रम सञ्चालन हुने जानकारी दिएको छ ।

कम्पनीका अनुसार स्टल एक्टिभेसन कार्यक्रम बिहान १० देखि बेलुकी ५ बजेसम्म सञ्चालन हुनेछ । स्टल एक्टिभेसन कार्यक्रमको मूल उद्देश्य ग्राहकहरूसंग अन्तर्क्रिया बढाउन र सेलपे एप्पको प्रयोग तथा फाइदाहरूका बारेमा जानकारी उपलब्ध गराउनु हो ।

कम्पनीले यसअघि पहिलो चरणको कार्यक्रमअन्तर्गत काठमाडौंस्थित सिभिल मल र ललितपुरस्थित लबिम मलमा स्टल एक्टिभेसन कार्यक्रम सञ्चालन गरिसकेको छ ।

एक्टिभेसन कार्यक्रमका अवसरमा सेलपेले ‘स्पट केवाईसी’ प्रमाणीकरण सेवा प्रदान गर्नुका साथै पहिलो बैंक खाता लिंक भएपश्चात् रू. १०० को फ्रि टपअप आफ्ना ग्राहकहरूलाई प्रदान गर्नेछ । सेलपे सेवा मोबाइल तथा वेब एप्लिकेसन दुवै माध्यमबाट उपयोग गर्न सकिने अत्यन्त द्रुत, सरल तथा सुरक्षित सेवा भएको कम्पनीको दाबी छ ।

सेलपेका अन्य विशेषताहरूमा बिनावालेट÷कार्ड कारोबार गर्न सकिने, वास्तविक समयमा भुक्तानी, चलाउन सरल, सहज, सुरक्षित तथा न्यून सेवा शुल्कमै कारोबार गर्न सकिने र कारोबार गरेबापत लोयल्टी प्वाइन्ट्स प्राप्त हुने कम्पनीको भनाइ छ ।

सम्पूर्ण कारोबार बैंकिङ प्रणालीमार्फत गरिने यस कम्पनीले विभिन्न दूरसञ्चार सेवा, बिजुली, खानेपानी, टीभी, इण्टरनेटको महसुल भुक्तानी, विभिन्न पसल, रेष्टुरेण्टमा भुक्तानी, एक बैंक खाताबाट अन्य बैंक खातामा रकम स्थानान्तरण, स्वदेशभित्र गरिने मनी ट्रान्सफर, पी२पी, पी२बी, बी२पी र बी२बी आदि वास्तविक समयमा गर्न सकिन्छ । सेलपे सेवा गुगल प्लेस्टोर तथा एप्पल एपस्टोरमा समेत उपलब्ध रहेको कम्पनीले बताएको छ ।

प्रकाशित मिति: शुक्रबार, कात्तिक २९, २०७६ १६:०२