सूर्यज्योति लाइफको सुविधायुक्त डायनामिक क्यूआर सेवा सञ्चालनमा

A+ A A-

सूर्यज्योति लाइफले आफ्ना प्रविधिमैत्री सेवाहरूलाई अझ सुदृढ गर्दै सेवाग्राहीहरूका लागि अर्को सुविधायुक्त भुक्तानीको माध्यमको रूपमा डायनामिक क्यूआर पेमेन्ट सिस्टम सञ्चालनमा ल्याएको छ ।

डायनामिक क्यूआर पेमेन्ट सिस्टम सञ्चालनमा आएसँगै अब बीमितहरूले जुनसुकै समयमा जुनसुकै स्थानबाट आफ्नो प्रिमियम सुरक्षित तथा सहज तवरले भुक्तानी गर्न सक्नेछन् । उक्त भुक्तानीको नोटिफिकेसन र अन्य विवरण मोबाइल एपमार्फत हेर्न मिल्ने व्यवस्था रहेको कम्पनीको भनाइ छ ।

डायनामिक क्यूआर पेमेन्ट सिस्टममा विभिन्न बैंकको नियमानुसार अधिकतम ३ लाख रुपैयाँसम्म भुक्तानी गर्न मिल्ने सुविधा रहेको र फोनपेको माध्यम प्रयोग गर्ने कुनै पनि बैंक, सहकारी वा कनेक्ट आईपीएस एपलगायत अन्य डिजिटल माध्यमबाट पनि भुक्तानी गर्न सकिनेछ ।

कम्पनीका प्रमुख कार्यकारी अधिकृत प्रकाश विक्रम खत्रीले भने, 'अरु क्षेत्रमा डायनामिक क्यूआर पहिलेदेखि नै प्रचलनमा भए पनि जीवन बीमाक्षेत्रमा भने यो नयाँ अभ्यास हो । हरेक ग्राहकका लागि फरकफरक क्यूआर बन्ने र भुक्तानी गर्नासाथ आफैँ सिस्टममा अपडेट हुने यसको विशेषता छ । डायनामिक क्यूआर पेमेन्ट सिस्टमको मद्दतले सेवाग्राहीहरूले घरमै बसी आफ्नो मोबाइल अथवा सूर्यज्योति लाइफको वेबसाइटमार्फत आफ्नो विवरण भरी डायनामिक क्यूआर प्राप्त गर्ने र सो डायनामिक क्यूआर स्क्यान गरी छिटोछरितो रूपले बीमाशुल्क भुक्तानी गर्न सकिनेछ । भुक्तानीको विवरण सेवाग्राहीहरूले तुरुन्तै एसएमएसमार्फत प्राप्त गर्न सक्नुहुनेछ ।'

यो सुविधा लिन बीमितहरूले देशभर रहेका १७८ शाखा कार्यालयहरू वा आफैँले घरमै बसेर सूर्यज्योति लाइफको वेबसाइटमा गई सर्भिस अप्सन वा वेबसाइटमा आफ्नो बीमालेख र पोलिसी नम्बर राखी सजिलै लिन सक्ने कम्पनीले जनाएको छ ।