एसपीजी अटोमोबाइल्सले पायो ‘आउटस्ट्यान्डिङ सेल्स’ र ‘ईभी पायोनियर’ अवार्ड

एसपीजी अटोमोबाइल्सले पायो ‘आउटस्ट्यान्डिङ सेल्स’ र ‘ईभी पायोनियर’ अवार्ड

A+ A A-

एसपीजी अटोमोबाइल्सले ‘२०२४ ओमोडा र जेइको डिलर्स फोरम’ मा दुईवटा महत्त्वपूर्ण अवार्ड हासिल गरेको छ । कम्पनीले फोरममा बहुप्रतिष्ठित ‘आउटस्ट्यान्डिङ सेल्स कन्ट्रिब्युसन’ र ‘ईभी पायोनियर अवार्ड’ प्राप्त गर्न सफल बनेको छ ।

कम्पनीले यी दुवै अवार्ड प्राप्त गरेसँगै नेपालको इलेक्ट्रिक गाडीको (ईभी) बजारमा आफ्नो स्थानलाई उत्कृष्ट प्रमाणित गरेको छ ।

शारडा ग्रुपका निर्देशक गौरव शारडाका अनुसार, यो उपलब्धि सम्पूर्ण नेपाली ग्राहकहरूको असीम साथ र सहयोगद्वारा सम्भव भएको हो । उनले भने, 'हामीले ल्याउने अत्याधुनिक ईभीहरूमा विश्वास गर्नुहुने सम्पूर्ण ग्राहकहरूप्रति हामी आभारी छौँ । हामी हाम्रो दिगो भविष्यका लागि सकारात्मक परिवर्तन ल्याउन अघि बढ्दै छौँ । हाम्रा सम्पूर्ण टिम, नेटवर्क पार्टनरहरू र नेपालभरका हाम्रा प्रत्येक ग्राहकहरूसँग यो उपलब्धिको खुसी साट्न पाउँदा हामीले अत्यन्तै गौरवान्वित महसुस गरेका छौँ ।'

नेपाली सडक र जीवनशैलीका लागि उपयुक्त ओमोडा ई–फाइभ एसपीजी अटोमोबाइल्सले गत फेब्रुअरीमा मात्र लन्च गरेको थियो । कम्पनीले छोटो अवधिमा नै फ्युचरिस्टिक ओमोडा ई–फाइभका १५१ भन्दा बढी युनिट ग्राहकहरूलाई हस्तान्तरण गरिसकेको छ । ओमोडा ई–फाइभका १५१ भन्दा बढी युनिट बिक्री गर्न सफल भएकै अवसरमा कम्पनीले गत अप्रिलमा ओमोडा ई–फाइभका नयाँ ग्राहक तथा अटोमोबाइल्स, प्रविधि र ईभी क्षेत्रका विशिष्ट अतिथिहरूको उपस्थितिमा ‘१५१+ओमोडा अन द स्ट्रिट' समारोह पनि आयोजना गरेको थियो ।

ओमोडा ई–फाइभ गाडीले अत्याधुनिक विद्युतीय प्रविधि, स्टाइलिस डिजाइन र आधुनिक सुविधाहरूका साथ नेपाली उपभोक्ताहरूको ध्यानाकर्षण र समर्थन प्राप्त गरेको कम्पनीको दाबी छ ।