भियतनामका राजदूत गुएन थान हाई र नेपाली उद्योगीबीच छलफल, पयर्टन विकासमा सहयोग पुर्‍याउने प्रतिबद्धता

भियतनामका राजदूत गुएन थान हाई र नेपाली उद्योगीबीच छलफल, पयर्टन विकासमा सहयोग पुर्‍याउने प्रतिबद्धता

A+ A A-

नेपालका लागि मित्रराष्ट्र जनवादी भियतनामका महामहिम राजदूत गुएन थान हाई, नेपालका लागि अवैतनिक वाणिज्य दूत राजेशकाजी श्रेष्ठ र नेपाल–भियतनाम उद्योग वाणिज्य संघका अध्यक्ष दीपककुमार मलहाेत्रा तथा संस्थाका पदाधिकारीसहितको उपस्थितिमा बिहीबार काठमाडौंमा बैठक बस्यो ।

बैठकमा नेपालमा पर्यटकको आगमन वृद्धि गर्न बुद्ध जन्मेको भूमि लुम्बिनीमा भियतनामी पर्यटक ल्याउन सम्बन्धित निकायहरूसँग समन्वय गरी मुलुकको पयर्टन क्षेत्रको विकासमा सहयोग पुर्‍याउनेबारे सहमति गरिएकाे छ ।

यसैगरी, यस संस्थाले नेपालकाे कृषिक्षेत्रको विकासका लागि समाजवादी गणतन्त्र भियतनामसँग सहकार्य गरी त्यहाँका विशेषज्ञ तथा नयाँ कृषि प्रविधिको सहयोगलाई अझ सहज पार्न आवश्यक पहल गर्दै कृषि उत्पादनमा वृद्धि गरी देशको खाद्य सुरक्षामा सकारात्मक सहयोग पुर्‍याउनुका साथै सूचना प्रविधिलाई प्रभावकारी बनाई आयात निर्यातलाई अझ सहज बनाउनेबारेमा छलफल भएको जनाएको छ ।

त्यस्तै, मित्रराष्ट् भियतनामकाे पहलमा नेपालमा फुड प्रोसेसिङ प्रोजेक्ट सञ्चालन गर्नेबारे पनि छलफल भएको नेपाल–भियतनाम उद्योग वाणिज्य संघका अध्यक्ष मलहाेत्राले जानकारी दिएका छन् ।

बैठकमा राजदूत थान हाईले नेपाल–भियतनाम सिधा हवाई पारवहन सञ्चालनका साथै अन्तर्राष्ट्रिय गन्तव्य सहज पार्न भियतनाममा ट्रान्जिट फ्लाइट सुविधाका लागि र नयाँ लगानीको वातावरण सिर्जना गर्न यथाशीग्र पहल गर्ने प्रतिबद्धता पनि जाहेर गरेका छन् ।