आज दिनभर : इलाममा एमालेकाे विजयी सभा, काठमाडाैंमा काम नपरी बाहिर ननिस्कन आग्रह (भिडियाे)

आज दिनभर : इलाममा एमालेकाे विजयी सभा, काठमाडाैंमा काम नपरी बाहिर ननिस्कन आग्रह (भिडियाे)

A+ A A-

कोशी सबैको साझा नाम भएकाले भुलभुलैयामा नपर्न एमाले अध्यक्ष केपी शर्मा ओलीले आग्रह गरेका छन् । कोशी प्रदेशको नामका विषयमा भएको आन्दोलन र विवाद आवश्यक नभएको उनले बताए । कार्यक्रममा नवनिर्वाचित सांसद सुहाङ नेम्वाङले २०८४ को निर्वाचनमा भोट माग्नै नपर्ने गरी काम गर्ने प्रतिबद्धता जनाए ।

राष्ट्रिय तथ्यांक कार्यालयले यस वर्षको आर्थिक वृद्धिदरको अनुमान सार्वजनिक गरेकाे छ । चालु आर्थिक वर्ष २०८०/८१ को आर्थिक वृद्धिदर ३.८७ प्रतिशत हुने अनुमान छ । कर्णालीमा सरकार बनेको तीन सातापछि मन्त्रिपरिषद्ले पूर्णता पाएकाे छ । सुदूरपश्चिममा नागरिक उन्मुक्तिकी टीका थापा कृषि मन्त्री नियुक्त भएकी छन् ।

प्रधानमन्त्री पुष्पकमल दाहाल प्रचण्डले मध्यपश्चिम र पूर्वाञ्चल विश्वविद्यालयको उपकुलपति नियुक्त गरेका छन् ।मध्यपश्चिमाञ्चल विश्वविद्यालयमा प्रा.डा.ध्रुवकुमार गौतम र पूर्वाञ्चल विश्वविद्यालयको उपकुलपतिमा प्रा.डा.बिजुकुमार थपलिया नियुक्त भएका छन् ।

काठमाडौंको वायु विश्वकै सबैभन्दा अस्वस्थ्यकर बनेकाे छ । वायु प्रदूषण बढेकाले अनिवार्य मास्क लगाउन र अनावश्यक घरबाट ननिस्कन स्वास्थ्य मन्त्रालयले आग्रह गरेकाे छ ।

मंगलबार शेयर बजार परिसूचक २५.९३ अंक बढेर २००६ अंकमा कायम भएाे छ । बेलायतको एस्ट्राजेनेद्वारा अक्सफोर्डसँग मिलेर बनाइएको कोभिडविरुद्धको खोपको गम्भीर साइड इफेक्ट देखिएकाे छ । खोपका कारण रगतका ढिक्का जम्ने र प्लेटलेट्स घट्दा हृदयघात हुने जोखिम बढेकाे बताइएकाे छ ।

आगामी जुनमा हुने टी–२० विश्वकप क्रिकेटका लागि रोहित शर्माको कप्तानीमा १५ सदस्यीय भारतीय टोलीको घोषणा भएकाे छ ।

भिडियाे :