कामना सेवा विकास बैंक वितरणयोग्य मुनाफा कमाउनेमा सबैभन्दा अगाडि

A+ A A-

चालु आर्थिक वर्षको तेस्रो त्रैमासिक प्रतिवेदनअनुसार अधिकांश विकास बैंकको वित्तीय विवरण लगानीकर्ताले अपेक्षा गरेअनुसार आएको पाइएको छैन । अधिकांश बैंकहरूको खराब कर्जा बढेर प्रोभिजनका लागि रकम छुट्याउनुपर्दा बैंकहरूको वितरणयोग्य मुनाफामा असर परेको हो ।

तर, कामना सेवा विकास बैंकको भने वितरणयोग्य मुनाफा सबैभन्दा धेरै देखिएको छ । यस बैंकको तेस्रो त्रैमासिक प्रतिवेदनअनुसार वितरणयोग्य मुनाफा सबैभन्दा धेरै अर्थात् २८ करोड ७३ लाख ३१ हजार रुपैयाँ रहेको छ ।

त्यस्तै, दोस्रो स्थानमा शाइन रेसुङ्गा डेभलपमेन्ट बैंक रहेको छ । यस बैंकको वितरणयोग्य मुनाफा करिब १५ करोड रुपैयाँ रहेको छ ।

त्यस्तै, तेस्रो स्थानमा गरिमा विकास बैंक र चौथोमा लुम्बिनी विकास बैंक रहेका छन् । यी दुवै बैंकको वितरणयोग्य मुनाफा क्रमशः १० करोड र ९ करोडको हाराहारीमा रहेको पाइएको छ । Kamana Sewa Table1714390690.JPG नेप्सेमा सूचिकृत १६ वटा विकास बैंकमध्ये सातवटाको वितरणयोग्य मुनाफा ऋणात्मक रहेको पाइएको छ, जसमध्ये ज्योति विकास बैंकको वितरणयोग्य मुनाफा सबैभन्दा धेरै ऋणात्मक छ । यो बैंकको वितरणयोग्य मुनाफा २८ करोड ६६ लाख ५८ हजार रुपैयाँ ऋणात्मक छ ।

त्यसैगरी, कर्णाली विकास बैंकको २ करोड ५१ लाख ३४ हजार, एक्सेल डेभलपमेन्ट विकास बैंकको ८ करोड ३१ लाख, सिन्धु विकास बैंकको ७ करोड ३३ लाख, सप्तकोशी डेभलपमेन्ट बैंकको ४७ करोड ८७ लाख, सांग्रिला डेभलपमेन्ट बैंकको ६ करोड १ लाख रुपैयाँभन्दा बढी वितरणयोग्य मुनाफा ऋणात्मक छ ।

विकास बैंकहरूमध्ये सधैँ पहिलो स्थानमा रहँदै आएको मुक्तिनाथ विकास बैंकको वितरणयोग्य मुनाफामा पनि यसपटक गिरावट आएको छ । यो बैंकको वितरणयोग्य मुनाफा १ करोड २ लाख रुपैयाँ रहेको छ ।

प्रकाशित मिति: सोमबार, वैशाख १७, २०८१ १७:३०