सूर्यज्योति लाइफ इन्स्योरेन्सका अभिकर्ता कमल, गौरवकुमार र सृजना पन्त बने ‘प्रोडक्ट एम्बास्डर’

सूर्यज्योति लाइफ इन्स्योरेन्सका अभिकर्ता कमल, गौरवकुमार र सृजना पन्त बने ‘प्रोडक्ट एम्बास्डर’

A+ A A-

सूर्यज्योति लाइफ इन्स्योरेन्स कम्पनीले देशभरिका अभिकर्ताहरूमध्येबाट तीन जनालाई एक वर्षका लागि ‘प्रोडक्ट एम्बास्डर’को उपाधि प्रदान गरेको छ ।

कम्पनीले अभिकर्ताहरूको मान–सम्मान, इज्जत एवं प्रतिष्ठा वृद्धि गर्न, समाजमा उनीहरूप्रतिको विश्वसनीयता बढाउन, व्यवसाय तथा वृत्ति विकासमा टेवा पुर्‍याउन र आम्दानीमा समेत उल्लेखनीय वृद्धि गर्न यस्तो उपाधि प्रदान गर्ने गरेको छ ।

कमल प्रसाद घिमिरे

‘प्रोडक्ट एम्बास्डर’को उपाधि पाउनेहरूमा सूर्यज्योति लाइफ इन्स्योरेन्सको बुटवल–पाल्पा रोड शाखाका कमल प्रसाद घिमिरे, कोहलपुर शाखाका गौरवकुमार शाही र महाराजगंज शाखाकी सृजना पन्त रहेका छन् ।

कम्पनीका अनुसार कमलप्रसाद घिमिरेले चौरासी पूजा जीवन बीमा योजना, गौरवकुमार शाहीले सुरक्षित भविष्य जीवन बीमा योजना र सृजना पन्तले सावधिक जीवन बीमा योजनाका लागि ‘प्रोडक्ट एम्बास्डर’को उपाधि पाएका छन् ।

गौरवकुमार शाही

‘प्रोडक्ट एम्बास्डर’को उपाधि पाएसँगै अब उक्त उपाधि पाएका अभिकर्ताहरूको फोटो कम्पनीको विज्ञापन सामग्रीहरूमा राखी विभिन्न संचार माध्यमहरू तथा सामाजिक संजालमार्फत देशव्यापी रूपमा प्रचारप्रसार गरिनेछ । साथै, कम्पनीका देशै भरि रहेका शाखा कार्यालयहरूको विशेष स्थानमा उनीहरूको फोटो ब्यानर, विज्ञापन बोर्ड, फ्लायर, लिफलेट तथा पम्प्लेटमा राखी कम्पनीको प्रचारप्रसार गरिने कम्पनीले जनाएको छ ।

सृजना पन्त

प्रमुख कार्यकारी अधिकृत प्रकाशविक्रम खत्रीले कम्पनीद्वारा प्रदान गरिएको यो मूल्यवान् अवसरमार्फत अभिकर्ताहरूले मेचीदेखि महाकालीसम्म रहेका दूरदराजका हरेक घरसम्म पुगेर आफ्नो क्षमता प्रदर्शन गरी हरेक नेपालीहरूको मन मुटुमा जोडिएर विश्वसनीयता स्थापित गरी आफ्नो व्यवसाय वृद्धिमा अवश्य सहजता हुने कुरामा आफू विश्वस्त रहेको बताए ।

उनले भने, ‘सूर्यज्योतिको प्रोडक्ट एम्बास्डरको रुपमा आफूलाई स्थापित गरी आफ्नो आर्थिक र सामाजिक प्रतिष्ठा बढाउन सबै अभिकर्ताहरूलाई आग्रह गर्दछु ।’

प्रकाशित मिति: शुक्रबार, वैशाख १४, २०८१ १६:२७